२०८३ आश्विन २९, बिहीबार १४:१७
काठमाडौं । दसैँ बिदाको अवधिमा पनि काठमाडौं जिल्ला अदालत खुला रहने भएको छ । काठमाडौं जिल्ला अदालत, बबरमहलले सूचना जारी गर्दै शनिबार, फूलपाती र विजया दशमी (टीका) को दिनबाहेक अन्य दिन बिहान ११ बजेदेखि दिउँसो ३ बजेसम्म कार्यालय खुला रहने जनाएको हो ।
अदालतका अनुसार बिदाका समयमा बन्दीप्रत्यक्षीकरणको निवेदन दर्ता, जरुरी पक्राउ पुर्जीको समर्थन, अभियुक्तको म्याद थप, कल डिटेल्स तथा पक्राउ अनुमति प्रदान गर्नेलगायत सेवा उपलब्ध हुनेछन् ।
त्यस्तै, धरौटी दाखिला गर्न नसकी थुनामा रहेका प्रतिवादीले धरौटी रकम बुझाउन आएमा रकम बुझ्ने र फैसला बमोजिमको जरिवाना तिरेर छुट्न मिल्ने अवस्थामा जरिवाना रकम बुझ्ने व्यवस्था पनि मिलाइएको अदालतले जनाएको छ ।
दसैँ बिदाका समयमा पर्न सक्ने अत्यावश्यक कानुनी प्रक्रियालाई सहज बनाउन यस्तो व्यवस्था गरिएको अदालतको सूचनामा उल्लेख छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×