२०८३ कात्तिक २, सोमबार ११:३७
सुनसरी । सुनसरीको दुहबीबाट प्रहरीले ५७४ किलो ८७० ग्राम गाँजासहित एउटा एम्बुलेन्स नियन्त्रणमा लिएको छ ।
जिल्ला प्रहरी कार्यालय सुनसरीका अनुसार आइतबार राति करिब १२:३० बजे कोशी राजमार्ग हुँदै इटहरीबाट विराटनगरतर्फ नम्बर नखुलेको एम्बुलेन्समा गाँजा ओसारपसार भइरहेको सूचना प्राप्त भएपछि प्रहरीले खोजतलास सुरु गरेको थियो ।
खोजतलासका क्रममा इलाका प्रहरी कार्यालय दुहबीबाट खटिएको टोलीले दुहबी नगरपालिका–६ स्थित बूढी खोलाको किनारमा एम्बुलेन्स बेवारिसे अवस्थामा फेला पारेको थियो । एम्बुलेन्स जाँच गर्दा उक्त परिमाणको गाँजा बरामद भएको प्रहरीले जनाएको छ ।
बरामद गाँजा र एम्बुलेन्स नियन्त्रणमा लिएर घटनाबारे थप अनुसन्धान भइरहेको जिल्ला प्रहरी कार्यालय सुनसरीका सूचना अधिकारी चन्द्रबहादुर खड्काले बताए ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×
