२०८३ कात्तिक १७, मंगलबार १७:५२
विराटनगर । मोरङको पथरीशनिश्चरे नगरपालिका–१० शिविर क्याम्पबाट लागुऔषध ब्राउन सुगर (खैरो हेरोइन)सहित एक युवक पक्राउ परेका छन् ।
पक्राउ पर्नेमा पथरीशनिश्चरे नगरपालिका–१० का २९ वर्षीय रुपेश सार्की रहेका छन् । प्रहरीका अनुसार सोमबार राति करिब ९ः३० बजेतिर लागुऔषध सेवन तथा कारोबार भइरहेको गोप्य सूचनाका आधारमा इलाका प्रहरी कार्यालय पथरीबाट खटिएको प्रहरी टोलीले सार्कीले चलाएको प्रदेश ३–०२–००२ प ३८८४ नम्बरको स्कुटर चेकजाँच गरेको थियो ।
जाँचका क्रममा स्कुटरको डिक्कीभित्र प्लास्टिकमा पोको पारेर राखिएको ब्राउन सुगर फेला परेको प्रहरीले जनाएको छ । तौल २ ग्राम रहेको छ ।
प्रहरीले लागुऔषध र स्कुटरसहित सार्कीलाई नियन्त्रणमा लिएर इलाका प्रहरी कार्यालय पथरीमा राखेको छ । घटनाको थप अनुसन्धान भइरहेको प्रहरीले जनाएको छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी