२०८३ कात्तिक २७, शुक्रबार १५:३१
इलाम । इलाममा महिलाको हत्या गरी गहना लुटेर फरार भएका एक अभियुक्त पक्राउ परेका छन् । गत असोज २१ गते इलामको सोयाकस्थित बान्द्रे खोल्सीमा स्थानीय जितमती लिम्बूको हत्या गरी फरार रहेका त्रिभुवन भुजेल भारतसँगको सीमा क्षेत्र फाटकबाट पक्राउ परेका हुन् ।
प्रहरीका अनुसार इलामको इलाम नगरपालिका–११ का भुजेललाई भारतबाट नेपाल फर्कने क्रममा पक्राउ गरिएको हो । उनी यसअघि चोरीको अभियोगमा जिल्ला कारागार इलामबाट छुटेका थिए । कारागारबाट छुटेपछि भारतको मिरिक पुगेका उनी त्यहाँ पनि यस्तै प्रकृतिको घटनामा पक्राउ परेको प्रहरीको भनाइ छ ।
मिरिकमा पक्राउ परेपछि छुटेका भुजेल नेपाल फर्कने क्रममा प्रहरीको नियन्त्रणमा परेका हुन् । जितमतीको हत्या गरी गहना लुटेर फरार भएका उनलाई प्रहरीले खोजी गरिरहेको थियो । पक्राउ परेका भुजेललाई प्रहरीले शुक्रबार सार्वजनिक गरेको छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी