एमाले केन्द्रीय कमिटीका २१ बुँदे निर्णय सार्वजनिक, के–के छन् प्रस्तावमा ?

Share this
686shares
मुलुकी खबर
मुलुकी खबर
clock२०८३ मंसिर ३, बिहीबार १८:२५

काठमाडौं । नेकपा (एमाले) को राष्ट्रिय भेला बिहीबार काठमाडौंको कार्की बैंक्वेटमा २१ बुँदे समसामयिक विशेष प्रस्ताव र संकल्प पारित गर्दै सम्पन्न भएको छ । पार्टी अध्यक्ष केपी शर्मा ओलीले बुधबार उद्घाटन गरेको भेलाले आगामी स्थानीय, प्रदेश र राष्ट्रिय सभा निर्वाचनको तयारीसँगै आवश्यक परे राष्ट्रिय स्वाधीनता र लोकतन्त्रको रक्षाका लागि आन्दोलन गर्ने संकल्प गरेको छ ।

भेलाले राष्ट्रिय हितको संरक्षण, लोकतन्त्र र संविधानको रक्षा तथा जनसरोकारका विषयमा सार्थक संवाद, सहकार्य र जनदबाबका लागि सबै देशभक्त, लोकतन्त्र र संविधानका पक्षधर राजनीतिक दल, सचेत नागरिक तथा बौद्धिक समुदायलाई आह्वान गरेको छ ।

भेलामा अध्यक्ष ओलीले ‘आजका दुई कार्यभार र गर्नुपर्ने १५ काम’, वरिष्ठ नेता विद्यादेवी भण्डारीले ‘पार्टीमा नयाँ ऊर्जा, उत्साह र आत्मविश्वास सिर्जना गर्ने संकल्प गरौँ’, उपाध्यक्ष रामबहादुर थापा ‘बादल’ले ‘राष्ट्रिय स्वाधीनता, लोकतन्त्र तथा समृद्धिका लागि संकल्प गरौँ’ विषयमा धारणा राखेका थिए । उपाध्यक्ष विष्णु पौडेलले एमालेले देश र जनताका पक्षमा गरेका महत्त्वपूर्ण कामबारे प्रस्तुति दिएका थिए भने महासचिव शंकर पोखरेलले पार्टीको शुद्धीकरण, सुदृढीकरण र स्थानीय निर्वाचनको तयारीबारे प्रशिक्षण दिएका थिए ।

अध्यक्ष ओलीले पार्टीले व्यहोरेको धक्का निर्वाचनको परिणामबाट मात्र नभई सरकार अपदस्थ भएदेखि नै सुरु भएको बताएका थिए । लोकतन्त्रको पुनर्बहालीका लागि जनताको पुनर्जागरणको नेतृत्व एमालेले गर्ने उनको भनाइ थियो ।

भदौ २३ र २४ गतेका घटना तथा आफूहरूमाथि भइरहेको घेराबन्दी बुझ्न नसके राजनीति नै नबुझेको ठहरिने ओलीले बताएका थिए । पुनर्जागरणका लागि प्रतिबद्धता र संकल्पसहित जनतामाझ जान उनले अगुवा कार्यकर्तालाई निर्देशन दिएका थिए ।

‘निर्णायक राष्ट्रिय शक्ति निर्माण हाम्रो संकल्प, समृद्ध नेपाल, सुखी नेपाली हाम्रो गन्तव्य’ भन्ने मूल नाराका साथ आयोजित भेलामा देशभर र प्रवासबाट गरी तीन हजार ४१४ जना प्रतिनिधि सहभागी भएको एमालेले जनाएको छ ।

भेलामा केन्द्रीय कमिटीका सदस्य, प्रदेश र जिल्ला कमिटीका पदाधिकारी, पालिका कमिटीका अध्यक्ष तथा उपाध्यक्ष, जनसंगठनका प्रतिनिधि, केन्द्रीय निकायका सदस्य, संघीय तथा प्रदेश सांसद र स्थानीय तहका प्रमुख तथा उपप्रमुख सहभागी थिए ।

पूर्णपाठ:-

तपाइको प्रतिक्रिया
उपाधिका लागि लुम्बिनी र सुदूरपश्चिम भिड्ने
चितवनको चुनौती पन्छाउँदै सुदूरपश्चिम फाइनलमा
रोहिंग्या नरसंहारमा अन्तर्राष्ट्रिय न्यायालयद्वारा म्यानमार दोषी ठहर
दक्षिण एसियाली आईटीएफ तेक्वान्दोको तयारी पूरा
केराबारीमा ३७ वर्षीया महिलाद्वारा आत्मदाह प्रयास
केराबारीमा महिलाद्वारा आत्मदाहकाे प्रयास
३६२ आयोजना र निर्माण व्यवसायीलाई जोगाउनु मेरो पहिलो प्राथमिकता हो : केशरकुमार बुढाथोकी (भिडियोसहित)
एमालेको प्रतिवेदनमा छैन कम्युनिस्ट एकताको चर्चा
एमाले केन्द्रीय कमिटीका २१ बुँदे निर्णय सार्वजनिक, के–के छन् प्रस्तावमा ?
कोशीमा निर्माण व्यवसायीको चुनाव : केशरकुमार बुढाथोकीको नेतृत्वमा नयाँ खाका, संकट समाधानदेखि पुस्तान्तरणसम्म
नक्कली शैक्षिक प्रमाणपत्र पेस गर्ने अनुसन्धान अधिकृतविरुद्ध मुद्दा
© 2024 Muluki Khabar. All Rights Reserved. Design & Develop By: Indesign Media Pvt. Ltd.