राज्यले नै हामीलाई पहिचानविहीन बनायो: सहिद परिवार

Share this
769shares
मुलुकी खबर
मुलुकी खबर
clock२०८२ पुस २८, सोमबार १२:०५

धनकुटा । ऐतिहासिक छिन्ताङ हत्याकाण्डका सहिद परिवारले राज्यबाटै आफूहरू उपेक्षित र पहिचानविहीन हुनुपरेको गुनासो गरेका छन्। कोशी प्रदेशका नवनियुक्त आन्तरिक मामिला तथा कानुनमन्त्री इन्द्रमणि पराजुली सहिदभूमि गाउँपालिका पुग्दा उनीहरूले यस्तो दुखसो पोखेका हुन्।

२०३६ सालको भोकमरीविरुद्धको आन्दोलनमा ज्यान गुमाएका १६ जनालाई २०७४ सालमा शेरबहादुर देउवा नेतृत्वको सरकारले राष्ट्रिय सहिद घोषणा गरेको थियो। तर, आधिकारिक अभिलेख र परिचयपत्रको अभावमा आफूहरूको पहिचान नै संकटमा परेको सहिद परिवारको भनाइ छ।

छिन्ताङ हत्याकाण्डका सहिद धनबीर दर्जीका छोरा सोमबहादुर नेपालीले मन्त्रीसँग आग्रह गरे, ‘हाम्रा बुबा र गाउँलेको बलिदानबाट प्रजातन्त्र आयो, तर राज्यले हामीलाई नै पहिचानविहीन बनायो। हाम्रो योग्यता र क्षमता अनुसार रोजगारीको व्यवस्था होस्।’

मन्त्री पराजुलीले पञ्चकन्यास्थित सहिद पार्कमा सहिदका शालिकमा माल्यार्पण गरेपछि परिवार र आफन्तसँग छलफल गरेका थिए। सो क्रममा उनले सहिदका आश्रित परिवारलाई आत्मनिर्भर बनाउन प्रदेश सरकार सकारात्मक रहेको बताए।

‘सहिद परिवारको जीविकोपार्जन, शिक्षा र सामाजिक सुरक्षाका विषयमा म प्रतिबद्ध छु,’ मन्त्री पराजुलीले भने, ‘छिन्ताङका सहिद परिवारका समस्या सम्बोधन गर्न म प्रदेश र केन्द्र सरकारसँग आवश्यक समन्वय गर्नेछु।’

२०३६ कात्तिक २२ देखि २९ गतेसम्म तत्कालीन पञ्चायती सरकारले भोकमरीविरुद्ध आन्दोलनमा उत्रिएका किसानमाथि दमन गरेको थियो। ‘विशेष प्रहरी कारबाही’का नाममा तत्कालीन खोकु, छिन्ताङ र आखिसल्लामा धरपकड र यातना दिँदै १३ जना छिन्ताङका र ३ जना आखिसल्लाका गरी १६ जनाको हत्या गरिएको थियो। मारिनेमा दुई महिला र नाबालक समेत थिए।

तपाइको प्रतिक्रिया
प्रधानमन्त्री शाहको भारत भ्रमण राजकीय हुने तयारी
बाढीपछिको पुनर्निर्माणमा एडिबीको सहयोग बढाउन नेपालको आग्रह
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
© 2024 Muluki Khabar. All Rights Reserved. Design & Develop By: Indesign Media Pvt. Ltd.