नेपाल एसबीआई बैंकमा ३ करोड बढीको लुटपाट

Share this
727shares
मुलुकी खबर
मुलुकी खबर
clock२०८२ पुस ३०, बुधबार ११:१२

सिन्धुली । सिन्धुलीको घ्याङलेख गाउँपालिका–हायुटारस्थित नेपाल एसबीआई बैंकको शाखामा मंगलबार साँझ हतियारधारी समूहले ठुलो परिमाणमा लुटपाट गरेको छ। पाँच जनाको संख्यामा आएका नकाबधारी लुटेराहरूले बैंकका कर्मचारी र सुरक्षागार्डलाई नियन्त्रणमा लिएर करिब ३ करोड ७ लाख रुपैयाँ लुटेर फरार भएका हुन्।

प्रहरीको प्रारम्भिक अनुसन्धानअनुसार बनेपातर्फबाट टाटा सुमोमा आएका लुटेराहरूले बैंकमा प्रवेश गर्नेबित्तिकै सुरक्षागार्डलाई बाँधेर पेस्तोल देखाउँदै खुकुरी प्रहार गरेका थिए। खुकुरी प्रहारबाट सुरक्षागार्ड घाइते भएका छन्। बैंकका कर्मचारी र गार्डको हातखुट्टा बाँधेर लुटेराहरू रकमसहित फरार भएका थिए।

लुटपाट लगत्तै स्थानीयवासी र प्रहरीको संयुक्त प्रयासमा लुटपाटमा प्रयोग गरिएको बा ३ डी ०३९८ नम्बरको इम्बोस्ड नम्बर प्लेट भएको टाटा सुमो र त्यसका चालकलाई नियन्त्रणमा लिन सफलता मिलेको छ। घ्याङलेख गाउँपालिका–२ का वडा अध्यक्ष रोशन भ्लोनका अनुसार उक्त सवारी साधनलाई गाउँपालिकाको वडा नम्बर १ अन्तर्गत पर्ने टुनी भञ्ज्याङ क्षेत्रबाट नियन्त्रणमा लिइएको हो।

वडा अध्यक्ष भ्लोनले नियन्त्रणमा लिइएको सुमोबाट लुटिएको रकममध्ये दुई बोरा पैसा समेत बरामद भएको जानकारी दिएका छन्। यद्यपि, बरामद भएको रकमको यकिन परिमाण खुल्न बाँकी रहेको छ। बरामद सवारी साधन र रकमलाई हाल इलाका प्रहरी कार्यालय बस्तिपुरमा राखिएको छ। लुटपाटमा संलग्न अन्य व्यक्तिहरू भने रकमको केही हिस्सासहित जंगलतर्फ फरार भएकाले उनीहरूको खोजीका लागि जिल्लाभर व्यापक प्रहरी परिचालन गरी खोजतलास अभियान जारी राखिएको छ। बैंकमा भएको यस गम्भीर लुटपाटको घटनाबारे प्रहरीले थप अनुसन्धान गरिरहेको छ।

तपाइको प्रतिक्रिया
प्रधानमन्त्री शाहको भारत भ्रमण राजकीय हुने तयारी
बाढीपछिको पुनर्निर्माणमा एडिबीको सहयोग बढाउन नेपालको आग्रह
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
© 2024 Muluki Khabar. All Rights Reserved. Design & Develop By: Indesign Media Pvt. Ltd.