झापाको कनकाईमा बस र पिकअप दुर्घटना हुँदा आमा–छोराको मृत्यु

Share this
734shares
मुलुकी खबर
मुलुकी खबर
clock२०८२ माघ १, बिहीबार १२:४७

विराटनगर । झापाको कनकाई नगरपालिका–३ नयाँ बस्तीस्थित पूर्व–पश्चिम लोकमार्गमा सवारी दुर्घटनामा परी दुई जनाको मृत्यु भएको छ । ११ जना घाइते भएका छन् ।

बिहीबार बिहान करिब ९:३० बजे बिर्तामोडबाट माईधारतर्फ जाँदै गरेको मे १ च ४५१५ नम्बरको पिकअप र विपरीत दिशाबाट आउँदै गरेको ना ५ ख २१४९ नम्बरको बस एक–आपसमा ठक्कर खाँदा दुर्घटना भएको हो ।

दुर्घटनामा गम्भीर घाइते भद्रपुर नगरपालिकाका डेढ वर्षीय बालक आरुति राजवंशीको बिर्तामोडस्थित बी एण्ड सी अस्पतालमा मृत्यु भएको छ । उनकी आमा ४० वर्षीया सुस्मा राजवंशीको पनि बिर्तासिटी अस्पतालमा उपचारका क्रममा मृत्यु भएको प्रहरीले जनाएको छ ।

पिकअपमा सवार अन्य ११ जना घाइते भएका छन् । जसमध्ये बी एण्ड सी अस्पतालमा उपचाररत ३ जनाको अवस्था सामान्य छ भने बिर्तासिटी अस्पतालमा उपचाररत ८ जनामध्ये केहीको अवस्था गम्भीर रहेको छ ।

बी एण्ड सी अस्पतालमा उपचाररत घाइतेहरू:
१. फुलमुन्नि मुर्मु (६५ वर्ष, मेचीनगर–१५) – अवस्था सामान्य
२. जमुना राजवंशी (४२ वर्ष, मेचीनगर–१५) – अवस्था सामान्य
३. अनिष राजवंशी (११ वर्ष, मेचीनगर–१५) – अवस्था सामान्य

बिर्तासिटी अस्पतालमा उपचाररत घाइतेहरू:
१. पुष्पलाल राजवंशी (४० वर्ष, भद्रपुर–४) – अवस्था मध्यम
२. आफुद राजवंशी (४० वर्ष, भद्रपुर–८) – टाउको र खुट्टामा चोट, अवस्था गम्भीर
३. आशिष राजवंशी (१५ वर्ष, सुस्माका छोरा) – अवस्था सामान्य
४. टेमुना राजवंशी (४० वर्ष, भद्रपुर–९) – अवस्था मध्यम
५. अन्जली राई (२९ वर्ष, शिवसताक्षी–१०) – अवस्था मध्यम
६. अभिषेक राजवंशी (२४ वर्ष, बिर्तामोड–३) – अवस्था सामान्य
७. कृतिका राजवंशी (१५ वर्ष, मेचीनगर–१५) – अवस्था सामान्य
८. पाथल राजवंशी (४५ वर्ष, भद्रपुर–४) – अवस्था गम्भीर

दुर्घटनापछि बस चालक फरार छन् । उनको खोजी कार्य तीव्र पारिएको जिल्ला प्रहरी कार्यालयले जनाएको छ । पिकअप चालक झापा बिर्तामोड नगरपालिका–६ बस्ने ३९ वर्षीय जाकिर हुसेनलाई प्रहरीले नियन्त्रणमा लिएको छ ।

तपाइको प्रतिक्रिया
प्रधानमन्त्री शाहको भारत भ्रमण राजकीय हुने तयारी
बाढीपछिको पुनर्निर्माणमा एडिबीको सहयोग बढाउन नेपालको आग्रह
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
© 2024 Muluki Khabar. All Rights Reserved. Design & Develop By: Indesign Media Pvt. Ltd.