विराटनगरमा मुख्य निर्वाचन अधिकृतको कार्यालय स्थापना

Share this
787shares
मुलुकी खबर
मुलुकी खबर
clock२०८२ माघ २, शुक्रबार १९:१४

विराटनगर । आगामी फागुन २१ गते हुने प्रतिनिधिसभा सदस्य निर्वाचनका लागि मोरङमा शुक्रबार मुख्य निर्वाचन अधिकृतको कार्यालय स्थापना गरिएको छ ।

मुख्य निर्वाचन अधिकृत भीष्मराज प्रसाईँले विराटनगरको देवकोटा चोकस्थितस्थित जिल्ला समन्वय समितिको कार्यालयमा स्थापना गरिएको मुख्य निर्वाचन अधिकृतको कार्यालयको उद्घाटन गरे। योसँगै आजै मोरङका छवटै निर्वाचन क्षेत्रमा निर्वाचन अधिकृतको कार्यालय स्थापना गरिएको छ ।

वेलबारी, उर्लाबारी, रतुवामाई नगरपालिका, विराटनगरको कोशी प्रोजेक्ट तथा विराटनगरको पोखरियास्थित बाल उद्यान केन्द्र तथा जिल्ला समन्वय समितिको कार्यालयमा निर्वाचन अधिकृतको कार्यालय स्थापना भएको जिल्ला निर्वाचन कार्यालयका प्रमुख चोलाराज दङ्गालले जानकारी दिए ।

मुख्य निर्वाचन अधिकृत प्रसाईँले सञ्चारकर्मीसँग संक्षिप्त कुरा गर्दै फागुन २१ गते हुन लागेको प्रतिनिधिसभा निर्वाचनको तयारी तीव्र बनाइएको जानकारी दिए । यही माघ ४ गते आगामी निर्वाचन सम्बन्धमा जिल्लाका सबै राजनीतिक दलहरूसँग सर्वदलीय छलफल गर्ने उनले बताए ।

मुख्य निर्वाचन अधिकृतको कार्यालय उद्घाटन कार्यक्रममा प्रमुख जिल्ला अधिकारी युवराज कट्टेल, मोरङ प्रहरी प्रमुख एवं प्रहरी उपरीक्षक एसपी कबित कटवाल, प्रदेश निर्वाचन अधिकारी चोलाराज दङ्गाललगायतको सहभागिता थियो । प्रतिनिधिसभा निर्वाचनमा मोरङको छवटा निर्वाचन क्षेत्रमा ३०६ वटा मतदानस्थल र ८८८ वटा मतदान केन्द्र निर्धारण गरिएको छ ।

मोरङमा सात लाख ८३ हजार ५० मतदाता रहेका छन् । त्यसमध्ये पुरुष तीन लाख ९९ हजार ६८६ र महिला तीन लाख ८३ हजार ३५७ तथा अन्यमा सात जना रहेको निर्वाचन कार्यालयका प्रमुख दङ्गालले बताए।

तपाइको प्रतिक्रिया
प्रधानमन्त्री शाहको भारत भ्रमण राजकीय हुने तयारी
बाढीपछिको पुनर्निर्माणमा एडिबीको सहयोग बढाउन नेपालको आग्रह
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
© 2024 Muluki Khabar. All Rights Reserved. Design & Develop By: Indesign Media Pvt. Ltd.