नदी किनारमा थप २० मिटर छाड्नुपर्ने फैसला सर्वोच्चद्वारा बदर, पुरानै मापदण्ड कायम

Share this
683shares
मुलुकी खबर
मुलुकी खबर
clock२०८२ माघ ४, आइतबार १८:१७

काठमाडौँ । सर्वोच्च अदालतले काठमाडौँ उपत्यकाका बागमती र यसका सहायक नदी किनारमा प्रचलित मापदण्डबाहेक थप २० मिटर क्षेत्र छाड्नुपर्ने यसअघिको फैसला उल्ट्याइदिएको छ। न्यायाधीशहरू सुनीलकुमार पोखरेल, बालकृष्ण ढकाल र नृपध्वज निरौला सम्मिलित पूर्ण इजलासले आइतबार संक्षिप्त आदेश जारी गर्दै संयुक्त इजलासको उक्त आदेश बदर गरेको हो।

यसअघि २०८० पुस ३ गते न्यायाधीशद्वय आनन्दमोहन भट्टराई र विनोद शर्माको संयुक्त इजलासले नदी किनारमा सरकारले तोकेको न्यूनतम दूरीमा थप २० मिटर छाडेर मात्र निर्माण अनुमति दिन आदेश दिएको थियो। सो फैसलाका कारण उपत्यकाका हजारौँ घरधुरी र जग्गाधनीहरू प्रभावित हुने भन्दै सरकारले पुनरावलोकनका लागि निवेदन दिएको थियो। प्रधानमन्त्री तथा मन्त्रिपरिषद्को कार्यालय र सङ्घीय मामिला तथा सामान्य प्रशासन मन्त्रालयको सोही निवेदनमाथि सुनुवाइ गर्दै पूर्ण इजलासले नयाँ फैसला सुनाएको हो।

अदालतको संक्षिप्त आदेशमा २०६५ भदौ १ गते मन्त्रिपरिषद्ले निर्धारण गरेको मापदण्डबाहेक थप २० मिटर छाड्नुपर्ने अघिल्लो फैसला कानुन र न्यायको रोहमा मिलेको नदेखिएको उल्लेख छ। अदालतले थप २० मिटरभित्रका निजी जग्गामा मुआब्जा दिएर निर्माण रोक्ने कुरा व्यावहारिक र कानुनी रूपमा समेत त्रुटिपूर्ण रहेको ठहर गरेको छ। सर्वोच्चको यो पछिल्लो फैसलासँगै नदी किनारका जग्गाधनीहरूमा रहेको अन्योल र त्रास हटेको छ भने उपत्यकाको जग्गा व्यवस्थापनमा पुरानै मापदण्ड क्रियाशील हुने भएको छ।

तपाइको प्रतिक्रिया
मंसिर ९ गतेदेखि आत्मानन्द गोल्डकप, ८ टिमको सहभागिता
इलामको टोड्केमा वार्षिक एक करोड २० लाखको टमाटर उत्पादन
प्रधानमन्त्री शाहको भारत भ्रमण राजकीय हुने तयारी
बाढीपछिको पुनर्निर्माणमा एडिबीको सहयोग बढाउन नेपालको आग्रह
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
© 2024 Muluki Khabar. All Rights Reserved. Design & Develop By: Indesign Media Pvt. Ltd.