निर्वाचन : ११ हजार ९ सय १ मतदानस्थल तय, एक तिहाइ ‘अति संवेदनशील’

Share this
724shares
मुलुकी खबर
मुलुकी खबर
clock२०८२ माघ ५, सोमबार १०:००

काठमाडौँ । निर्वाचन आयोगले आगामी फागुन २१ गते हुने प्रतिनिधि सभा सदस्य निर्वाचनका लागि देशभर ११ हजार ९ सय १ मतदानस्थल तय गरेको छ। केन्द्रीय सुरक्षा समितिले सुरक्षा चुनौतीका आधारमा यी मतदानस्थललाई अति संवेदनशील, संवेदनशील र सामान्य गरी तीन भागमा वर्गीकरण गरेर सुरक्षा व्यवस्था मिलाएको छ। आयोगमा पेश गरिएको सुरक्षा खाकाअनुसार कूल मतदानस्थलमध्ये करिब एक तिहाइलाई अति संवेदनशील सूचीमा राखिएको छ भने ४ हजार ४ सय ४२ संवेदनशील र २ हजार ८ सय ४५ मतदानस्थल सामान्य सूचीमा रहेका छन्।

प्राप्त विवरणअनुसार मधेस प्रदेशमा सबैभन्दा बढी १ हजार २ सय ४६ मतदानस्थल अति संवेदनशील सूचीमा रहेका छन् भने बागमतीमा (उपत्यकाबाहेक) १ हजार २ सय ८८ मतदानस्थललाई अति संवेदनशील मानिएको छ। काठमाडौँ उपत्यकामा भने २ सय ७८ मतदानस्थल सामान्य सूचीमा छन् भने १२ वटा मात्रै अति संवेदनशील सूचीमा परेका छन्। कोशी, गण्डकी, लुम्बिनी, कर्णाली र सुदूरपश्चिम प्रदेशमा पनि सुरक्षा चुनौतीका आधारमा मतदानस्थलको वर्गीकरण गरी सुरक्षाकर्मी परिचालनको तयारी गरिएको छ।

सुरक्षा चुनौती सामना गर्न सरकारले नेपाल प्रहरी, सशस्त्र प्रहरी र नेपाली सेनाका अतिरिक्त १ लाख ४९ हजार ९० निर्वाचन प्रहरी (म्यादी प्रहरी) समेत परिचालन गर्दैछ। गृह मन्त्रालयको समन्वयमा सातै प्रदेशमा सम्पन्न सुरक्षा गोष्ठीको सुझावका आधारमा यो अन्तिम सुरक्षा रणनीति तयार पारिएको हो। सरकारले नयाँ र पुराना दलबीचको प्रतिस्पर्धा, खुला सीमाबाट हुन सक्ने जोखिम, र सामाजिक सञ्जालको दुरुपयोगलाई मुख्य सुरक्षा चुनौतीका रूपमा पहिचान गरेको छ। विशेषगरी नेपाल–भारत खुला सीमा क्षेत्र झापादेखि कञ्चनपुरसम्मका मतदानस्थललाई उच्च जोखिममा राखेर विशेष सुरक्षा निगरानी बढाइने भएको छ।

तपाइको प्रतिक्रिया
प्रधानमन्त्री शाहको भारत भ्रमण राजकीय हुने तयारी
बाढीपछिको पुनर्निर्माणमा एडिबीको सहयोग बढाउन नेपालको आग्रह
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
© 2024 Muluki Khabar. All Rights Reserved. Design & Develop By: Indesign Media Pvt. Ltd.