सार्वजनिक सम्पत्ति जलाउलाई कारबाहीको दायरामा ल्याउनैपर्छ: ओली

Share this
788shares
मुलुकी खबर
मुलुकी खबर
clock२०८२ माघ ७, बुधबार १२:५१

दमक । नेकपा (एमाले) का अध्यक्ष एवं पूर्वप्रधानमन्त्री केपी शर्मा ओलीले सार्वजनिक सम्पत्ति जलाउने र तोडफोड गर्नेहरूलाई तत्काल कानुनको दायरामा ल्याएर कारबाही गर्नुपर्ने बताएका छन्। बुधबार आफ्नै गृह जिल्ला झापामा ‘जेनजी आन्दोलन’ का क्रममा क्षतिग्रस्त भएका संरचनाहरूको अवलोकन गर्दै अध्यक्ष ओलीले यस्तो बताएका हुन्।

उनले सार्वजनिक सम्पत्ति, नगरपालिकाका भवन तथा राजनीतिक कार्यकर्ताका घर र कार्यालय जलाउने कार्यलाई विशुद्ध आपराधिक गतिविधिका रूपमा व्याख्या गरे। अपराधलाई कुनै पनि बहानामा प्रोत्साहन गर्न नहुने उल्लेख गर्दै ओलीले देशलाई शान्तिपूर्ण र बस्नलायक बनाउन अपराध नियन्त्रण अनिवार्य रहेकोमा जोड दिए। ‘राष्ट्रिय र सार्वजनिक सम्पत्ति जलाउनु अपराध हो, अरूको घर जलाएर कसैले पनि उन्मुक्ति पाउनु हुँदैन,’ उनले भने।

अध्यक्ष ओलीले वर्तमान अन्तरिम सरकारले अपराधीहरूलाई संरक्षण गरिरहेको गम्भीर आरोप समेत लगाए। उनले देश जलाउनेहरूकै नेतृत्वमा सरकार रहेकाले दोषीमाथि कारबाही हुन नसकेको जिकिर गरे। ‘अहिलेको सरकार सायद उनीहरूकै भएकाले दोषीलाई जोगाउने काम भइरहेको देखिन्छ,’ ओलीले टिप्पणी गरे।

प्रतिनिधिसभा सदस्य निर्वाचनका लागि सोमबार झापा पुगेका ओलीले क्षेत्र नम्बर ५ बाट उम्मेदवारी दर्ता गराइसकेका छन्। उम्मेदवारी दर्तापछि उनी अहिले आफ्नो निर्वाचन क्षेत्रमा विभिन्न कार्यक्रम र अवलोकनमा व्यस्त छन्।

तपाइको प्रतिक्रिया
प्रधानमन्त्री शाहको भारत भ्रमण राजकीय हुने तयारी
बाढीपछिको पुनर्निर्माणमा एडिबीको सहयोग बढाउन नेपालको आग्रह
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
© 2024 Muluki Khabar. All Rights Reserved. Design & Develop By: Indesign Media Pvt. Ltd.