अदालती प्रक्रियाको सम्मान गर्छु : रवि लामिछाने

Share this
780shares
मुलुकी खबर
मुलुकी खबर
clock२०८२ माघ ७, बुधबार १३:२३

भरतपुर । राष्ट्रिय स्वतन्त्र पार्टी (रास्वपा) का सभापति रवि लामिछानेले आफूमाथि अनावश्यक अभियोगहरू लगाइएको भए पनि अदालती प्रक्रियाको सधैँ सम्मान गर्ने बताएका छन्। जनकपुर र पर्सा हुँदै चितवन आइपुगेका लामिछानेले बुधबार अपराह्न काठमाडौँ फर्कने क्रममा भरतपुर विमानस्थलमा पत्रकारहरूसँग कुरा गर्दै यस्तो बताएका हुन्।

उनले जे-जस्तो अवस्था भए पनि अदालतको विकल्प नरहेको र कानुनी प्रक्रियालाई स्वीकार गर्नुपर्नेमा जोड दिए। ‘नचाहिने कुराहरू लगाएर अभियोजनहरू भएका छन्, तर अदालतको विकल्प छैन। हामीले यो प्रक्रियाको सम्मान गर्नुपर्छ,’ लामिछानेले भने। उनले आफूमाथि धेरै मुद्दाहरू लगाइँदा मानसिक रूपमा विक्षिप्त बनाउने भए पनि अदालतप्रति आशा र भरोसा कायम रहेको बताए। अदालतका बहसहरू सडकमा आउनु राम्रो नभएको भन्दै उनले न्यायलयप्रति गलत टिप्पणी नगर्न समेत आग्रह गरे।

निर्वाचनका विषयमा सोधिएको प्रश्नमा लामिछानेले प्रतिस्पर्धा स्वस्थ हुनुपर्ने र नतिजा जे आए पनि स्वीकार गरेर अघि बढ्नुपर्ने बताए। उनले कुनै पनि राजनीतिक दलले मतदातालाई भड्काउने वा उत्तेजित बनाउने क्रियाकलाप गर्न नहुनेमा जोड दिए। चितवन क्षेत्र नम्बर २ बाट प्रतिनिधिसभा सदस्यका लागि उम्मेदवारी दिएका लामिछानेले यसपटक सिंगो चितवनलाई नै ‘घन्टीमय’ बनाउने दाबी गरे। चुनावी अभियानका क्रममा चितवनका जनताले सुरुवातमै उत्साहपूर्ण संकेत देखाएको उनको भनाइ छ।

तपाइको प्रतिक्रिया
प्रधानमन्त्री शाहको भारत भ्रमण राजकीय हुने तयारी
बाढीपछिको पुनर्निर्माणमा एडिबीको सहयोग बढाउन नेपालको आग्रह
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
© 2024 Muluki Khabar. All Rights Reserved. Design & Develop By: Indesign Media Pvt. Ltd.