
मकवानपुर । मकवानपुरको इन्द्रसरोवर गाउँपालिका– २ सिमखोला पुलनजिक दुर्घटना हुँदा १ जनाको मृत्यु भएको छ ।
प्रहरीका अनुसार कुखुरा बोकेर सर्लाहीबाट काठमाडौंतर्फ जाँदै गरेको मधेश प्रदेश ०३–००१ च ६७२१ नम्बरको गाडी बिहीबार बिहानका राति १ बजेतिर दुर्घटनामा परेको हो । दुर्घटनामा चालकसहित ३ जना घाइते भएका थिए ।
चालक सर्लाही बहरथवा नगरपालिका–१ का २५ वर्षीय रामवलि साह, दुई सहयोगीहरू १७ वर्षीय रोहन मण्डल र १६ वर्षीय छोटे पासवान घाइते भएका हुन् । घाइतेमध्ये रोहन मण्डलको उपचारकै क्रममा बिहान ४ः४५ बजेतिर मृत्यु भएको प्रहरीले जनाएको छ ।
घाइते दुवै जनाको काठमाडौं मेडिकल कलेजमा उपचार भइरहेको छ । गाडीमा ५ सयवटा कुखुरा थिए । तीमध्ये ३ सयवटा मरेको प्रहरीले जनाएको छ । प्रहरीले घटनाको थप अनुसन्धान गरिरहेको छ ।

























