मुलुकभरको मौसम : ६ प्रदेशमा वर्षाको सम्भावना, ४ प्रदेशका केही स्थानमा असिना पर्न सक्ने

Share this
718shares
मुलुकी खबर
मुलुकी खबर
clock२०८२ माघ ९, शुक्रबार ०६:२९

काठमाडौं । नेपालमा हाल पश्चिमी वायुको आंशिक प्रभाव कायमै रहेको मौसम पूर्वानुमान महाशाखाले जनाएको छ । जसका कारण आज (शुक्रबार) देशका विभिन्न भू–भागमा बादल, वर्षा, हिमपात र असिनासहितको मौसम प्रणाली सक्रिय हुने देखिएको छ ।

महाशाखाका अनुसार शुक्रबार दिनभर र रातिसम्म देशका ६ प्रदेशमा वर्षा हुने सम्भावना रहेको छ भने ४ प्रदेशका केही स्थानमा मेघगर्जनसहित असिना समेत पर्न सक्ने पूर्वानुमान गरिएको छ । तराई क्षेत्रका केही स्थानहरूमा बिहानको समयमा तुवाँलो लागेको छ ।

कोशी, गण्डकी र कर्णाली प्रदेशका उच्च पहाडी तथा हिमाली भू–भागमा आंशिक बदली रहेको छ भने बाँकी भू–भागमा मौसम मुख्यतया सफा देखिएको छ । यद्यपि, दिउँसोदेखि पश्चिम र मध्य नेपालका अधिकांश भागमा मौसम क्रमशः बदली हुने पूर्वानुमान गरिएको छ ।

महाशाखाका अनुसार शुक्रबार दिउँसो कर्णाली र सुदूरपश्चिम प्रदेशमा सामान्यदेखि पूर्ण बदली रहनेछ । यी प्रदेशका केही स्थानहरूमा मेघगर्जन र चट्याङसहित मध्यम वर्षा हुने सम्भावना छ ।

विशेषगरी कर्णाली र सुदूरपश्चिमका उच्च पहाडी तथा हिमाली भू–भागका केही स्थानहरूमा हल्का हिमपात पनि हुन सक्ने देखिएको छ । बाँकी प्रदेशका पहाडी भू–भागमा आंशिक बदली रहनेछ भने तराईका अधिकांश भू–भागमा मौसम आंशिकदेखि सामान्य बदली हुने अनुमान छ ।

रातिको समयमा बागमती, गण्डकी, लुम्बिनी, कर्णाली र सुदूरपश्चिम प्रदेशमा सामान्यदेखि पूर्ण बदली रहनेछ । यीमध्ये लुम्बिनी, कर्णाली र सुदूरपश्चिम प्रदेशका केही स्थानहरूमा तथा गण्डकी प्रदेशका थोरै स्थानहरूमा मेघगर्जनसहित मध्यम वर्षा हुन सक्ने महाशाखाले जनाएको छ ।

यस क्रममा चट्याङको जोखिम पनि उच्च रहने सम्भावना छ । उच्च पहाडी तथा हिमाली भू–भागमा अझ प्रभाव पर्ने देखिएको छ । गण्डकी, कर्णाली र सुदूरपश्चिम प्रदेशका उच्च पहाडी तथा हिमाली क्षेत्रका केही स्थानहरूमा मध्यम हिमपातसहित वर्षा हुन सक्नेछ ।

साथै, बागमती प्रदेशका केही स्थानमा पनि हिमपातसहित वर्षाको सम्भावना रहेको छ । कोशी प्रदेशका उच्च पहाडी तथा हिमाली भू–भागका १–२ स्थानमा हल्का हिमपातसहित वर्षा हुन सक्ने महाशाखाको पूर्वानुमान छ ।

अर्कोतर्फ गण्डकी, लुम्बिनी, कर्णाली र सुदूरपश्चिम प्रदेशका १–२ स्थानमा मेघगर्जन र चट्याङसहित असिना पर्न सक्ने पूर्वानुमान गरिएको छ । असिनाले कृषि बाली, फलफूल र तरकारीमा क्षति पुग्न सक्ने भएकाले सम्बन्धित क्षेत्रका किसानलाई विशेष सतर्कता अपनाउन महाशाखाले अनुरोध गरेको छ ।

मौसम पूर्वानुमान महाशाखाले चट्याङ, असिना, हिमपात र वर्षाका कारण दैनिक जनजीवन, सडक तथा हवाई यातायातमा आंशिक अवरोध आउन सक्ने भन्दै आवश्यक सावधानी अपनाउन आग्रह गरेको छ । विशेषगरी पहाडी तथा हिमाली क्षेत्रका बासिन्दा, यात्रु र किसानलाई मौसमको अद्यावधिक जानकारी नियमित रूपमा लिन समेत महाशाखाले सुझाव दिएको छ ।

तपाइको प्रतिक्रिया
प्रधानमन्त्री शाहको भारत भ्रमण राजकीय हुने तयारी
बाढीपछिको पुनर्निर्माणमा एडिबीको सहयोग बढाउन नेपालको आग्रह
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
© 2024 Muluki Khabar. All Rights Reserved. Design & Develop By: Indesign Media Pvt. Ltd.