प्रतिनिधिसभाका उम्मेदवारलाई चुनाव चिह्न प्रदान गरिँदै

Share this
703shares
मुलुकी खबर
मुलुकी खबर
clock२०८२ माघ ९, शुक्रबार ०६:३८

काठमाडौं । आगामी प्रतिनिधिसभा सदस्य निर्वाचनको प्रक्रियाअन्तर्गत आज (शुक्रबार) उम्मेदवारलाई चुनाव चिह्न प्रदान गरिँदैछ ।

निर्वाचन आयोगले सार्वजनिक गरेको कार्यतालिकाअनुसार उम्मेदवारलाई निर्वाचन चिह्न प्रदान गर्न लागिएको हो । त्यसपछि निर्वाचनको औपचारिक प्रचारप्रसार सुरु हुने छ । मतदानको आउन अब ४१ दिन मात्र बाँकी छ ।

आयोगका अनुसार प्रतिनिधिसभा सदस्यका लागि उम्मेदवारी दिएका उम्मेदवारले शुक्रबार बिहान १० बजेदेखि दिउँसो १ बजेसम्म आफ्नो उम्मेदवारी फिर्ता लिन सक्ने व्यवस्था गरिएको छ । उम्मेदवारी फिर्ताको समय सकिएपछि दिउँसो १ बजेदेखि ३ बजेसम्म उम्मेदवारको अन्तिम नामावली सार्वजनिक गरिनेछ ।

त्यसपछि अपराह्न ४ बजेदेखि साँझ ७ बजेसम्म सम्बन्धित उम्मेदवारलाई निर्वाचन चिह्न प्रदान गर्ने कार्यक्रम तय गरिएको आयोगले जनाएको छ । पहिलो हुने निर्वाचन प्रणालीअन्तर्गतको कार्यतालिकाअनुसार यसअघि माघ ७ गते दाबी–विरोधमा उजुरी दिने अवधि तोकिएको थियो ।

दिन बिहान १ बजेदेखि दिउँसो ३ बजेसम्म उजुरी दर्ता गर्ने समय निर्धारण गरिएको थियो । त्यसपछि दिउँसो ३ बजेदेखि बिहीबार बेलुका ५ बजेसम्म मनोनयनपत्र तथा उजुरीमाथि जाँचबुझ गरी निर्णय गरेर सोही आधारमा उम्मेदवारको प्रारम्भिक नामावली प्रकाशन गरिएको थियो ।

निर्वाचन आयोगका अनुसार देशभरका १ सय ६५ निर्वाचन क्षेत्रका लागि ३ हजार ४ सय ८६ जनाको उम्मेदवारी परेको छ । माघ ६ गते देशभर एकैपटक मनोनयनपत्र दर्ता प्रक्रिया सम्पन्न भएको थियो ।

दर्ता भएका कुल उम्मेदवारीमध्ये ३ हजार ८९ जना पुरुष, ३ सय ९६ जना महिला तथा १ जना अन्य समूहका उम्मेदवार रहेका छन् । प्रतिनिधिसभा निर्वाचन आगामी फागुन २१ गते देशभर एकै चरणमा हुने तय भएको छ ।

कुल २ सय ७५ सदस्यीय प्रतिनिधिसभामध्ये समानुपातिक निर्वाचन प्रणालीमार्फत १ सय १० जना र प्रत्यक्ष निर्वाचन प्रणालीमार्फत १ सय ६५ जना सदस्य निर्वाचित हुने संवैधानिक व्यवस्था छ । उम्मेदवारलाई निर्वाचन चिह्न प्रदान गरिएपछि राजनीतिक दल र स्वतन्त्र उम्मेदवार दुवैले मतदाता केन्द्रित प्रचार अभियानलाई तीव्र बनाउने छन् ।

तपाइको प्रतिक्रिया
प्रधानमन्त्री शाहको भारत भ्रमण राजकीय हुने तयारी
बाढीपछिको पुनर्निर्माणमा एडिबीको सहयोग बढाउन नेपालको आग्रह
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
© 2024 Muluki Khabar. All Rights Reserved. Design & Develop By: Indesign Media Pvt. Ltd.