समानुपातिकतर्फको मतपत्र छपाइ अन्तिम चरणमा, प्रत्यक्षतर्फको तयारी थालिँदै

Share this
789shares
मुलुकी खबर
मुलुकी खबर
clock२०८२ माघ १०, शनिबार ०६:४३

काठमाडौं । आगामी प्रतिनिधिसभा निर्वाचनको तयारीलाई तीव्र बनाउँदै निर्वाचन आयोगले समानुपातिक निर्वाचन प्रणालीतर्फका मतपत्र छपाइ अन्तिम चरणमा पुर्याएको छ ।

आयोगका अनुसार समानुपातिकतर्फ आवश्यक १ करोड ५० लाख मतपत्रमध्ये अधिकांश छपाइ सम्पन्न भइसकेको छ । अब करिब ५० लाख थान मतपत्र छपाइ गर्न बाँकी रहेको छ ।

मतपत्र छपाइको काम यही माघ २ गतेदेखि जनक शिक्षा सामग्री केन्द्र लिमिटेडको छापाखानामा सुरु गरिएको थियो । उच्च सुरक्षा मापदण्ड अपनाएर भइरहेको छपाइ कार्य निर्धारित समयमै सम्पन्न गर्ने लक्ष्य रहेको आयोगले जनाएको छ ।

समानुपातिकतर्फको मतपत्र छपाइ सकिनासाथ प्रत्यक्ष निर्वाचन प्रणालीतर्फको मतपत्र छपाइ प्रक्रिया सुरु गर्ने आयोगको तयारी छ । प्रत्यक्षतर्फका उम्मेदवारको अन्तिम नामावली टुंगो लागिसकेको छ ।

आगामी फागुन २१ गते हुने प्रतिनिधिसभा निर्वाचनका लागि आयोगले कुल ३ हजार ४ सय ६ जना उम्मेदवारको अन्तिम नामावली सार्वजनिक गरिसकेको छ । उम्मेदवारहरूलाई शुक्रबार नै निर्वाचन चिन्हसमेत प्रदान गरिएको छ ।

उम्मेदवारले चुनाव चिन्ह प्राप्त गरेसँगै निर्वाचन प्रचारप्रसार औपचारिक रूपमा सुरु भएको छ । आयोगका प्रवक्ता नारायणप्रसाद भट्टराईका अनुसार उम्मेदवारमध्ये ३ हजार १७ जना पुरुष, ३ सय ८८ जना महिला र ‘अन्य’ समूहबाट १ जना रहेका छन् ।

उम्मेदवारी दर्तादेखि उम्मेदवारी फिर्ता लिने समयसम्मको सम्पूर्ण निर्वाचन कार्यक्रम शान्तिपूर्ण, व्यवस्थित र उत्साहजनक रूपमा सम्पन्न भएको आयोगले जनाएको छ । राजनीतिक दल, उम्मेदवार तथा मतदाताको सक्रिय सहभागिताले निर्वाचनको वातावरणलाई सकारात्मक बनाएको आयोगको मूल्यांकन छ ।

यसैबीच, समानुपातिक निर्वाचन प्रणालीअन्तर्गतका उम्मेदवारको नामावली पनि सार्वजनिक भइसकेको छ । अब मतपत्र छपाइ, ढुवानी, सुरक्षा व्यवस्थापन र मतदानस्थल तयारीजस्ता प्राविधिक तथा व्यवस्थापकीय कामलाई अन्तिम रूप दिने चरणमा आयोग पुगेको छ ।

तपाइको प्रतिक्रिया
प्रधानमन्त्री शाहको भारत भ्रमण राजकीय हुने तयारी
बाढीपछिको पुनर्निर्माणमा एडिबीको सहयोग बढाउन नेपालको आग्रह
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
© 2024 Muluki Khabar. All Rights Reserved. Design & Develop By: Indesign Media Pvt. Ltd.