यातायात कार्यालयको सेवा सुधारका लागि १० बुँदे निर्देशन

Share this
669shares
मुलुकी खबर
मुलुकी खबर
clock२०८२ माघ १३, मंगलबार १५:१८

विराटनगर । कोशी प्रदेशसभाको न्याय, प्रशासन तथा विधायन समितिले प्रदेशका यातायात कार्यालयहरूको दयनीय अवस्था सुधार गर्न सरकारलाई १० बुँदे निर्देशन दिएको छ। समितिकी सभापति कमला दर्नालले सोमबार आन्तरिक मामिला तथा कानुनमन्त्री इन्द्रमणि पराजुलीलाई स्थलगत अनुगमन प्रतिवेदन बुझाएकी हुन्।

प्रतिवेदनले इटहरीस्थित यातायात कार्यालयको अवस्थालाई निकै गम्भीर देखाएको छ। ‘जेन-जी’ आन्दोलनका क्रममा भएको आगजनीले महत्वपूर्ण दस्तावेजहरू नष्ट भएपछि अहिले झ्याल-ढोकामा पाल टाँगेर सेवा प्रवाह भइरहेको छ। यसले गर्दा सवारी नामसारी र लाइसेन्स वितरणमा ठूलो समस्या आएको समितिले जनाएको छ। त्यस्तै धनकुटा, विराटनगर र ओखलढुङ्गाका कार्यालयहरू भाडाका साँघुरा भवनमा चल्दा पार्किङको समस्या देखिएको छ भने कतिपय जिल्लामा बैंक नहुँदा नगद राजस्व ओसार्न सुरक्षा चुनौती थपिएको छ।

समितिले विदेशमा रहेका सवारीधनीको स्वामित्व हस्तान्तरणमा देखिएको कानुनी गाँठो फुकाउन र अपाङ्गता भएका व्यक्तिका लागि स्पष्ट लाइसेन्स नीति बनाउन सरकारलाई निर्देशन दिएको छ। साथै विद्युतीय गाडीको ट्रायल विद्युतीय साधनबाटै लिन पाउने व्यवस्था मिलाउन र अतिरिक्त समय काम गर्ने करार कर्मचारीलाई महँगी भत्ता उपलब्ध गराई सेवा प्रवाह चुस्त बनाउन समेत भनिएको छ। भौतिक संरचना निर्माणका लागि तत्काल बजेट सुनिश्चित गर्न र नागरिक सहायता कक्षलाई व्यवस्थित बनाउन समेत समितिले सरकारको ध्यानाकर्षण गराएको छ।

तपाइको प्रतिक्रिया
प्रधानमन्त्री शाहको भारत भ्रमण राजकीय हुने तयारी
बाढीपछिको पुनर्निर्माणमा एडिबीको सहयोग बढाउन नेपालको आग्रह
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
© 2024 Muluki Khabar. All Rights Reserved. Design & Develop By: Indesign Media Pvt. Ltd.