
विराटनगर। विराटनगर जुनियर जेसिजको नयाँ नेतृत्व चयन भएको छ। शनिबार जेसिज भवनमा सम्पन्न निर्वाचनबाट जुनियर जेसी ओम जोगी अध्यक्षमा निर्वाचित भएका हुन्।
नयाँ कार्यसमितिको कार्यकारी उपाध्यक्षमा सम्युक्ता कोइराला, आरोग्य कोइराला र आदित्य कोइराला चुनिएका छन्। त्यस्तै, उपाध्यक्ष पदमा निशान्त भट्टराई, सुहानी श्रेष्ठ, आदर्श आचार्य र रुकुल अमात्य चयन भएका छन्। संस्थाको महासचिवमा रक्षिता तिम्सिना, कोषाध्यक्षमा श्रीजेश कट्टेल, कानुनी सल्लाहकारमा आरभी तिम्सिना र तालिम निर्देशकमा मदन नेपाल निर्वाचित भएका छन्। जनसम्पर्क अधिकृतको जिम्मेवारी प्रतिज्ञा अधिकारीले पाएका छन्।
माघ १७ गते आयोजित पदस्थापना तथा पुरस्कार वितरण समारोहमा विभिन्न विधामा उत्कृष्ट सदस्यहरूलाई पुरस्कृत समेत गरियो। ‘गणेश–जमुना पुरस्कार’ याल्जिना थापाले प्राप्त गर्दा ओम जोगी उत्कृष्ट बोर्ड सदस्य र रुकुल अमात्य उत्कृष्ट कार्यक्रम संयोजक घोषित भए। वर्ष उत्कृष्ट सदस्यको उपाधि निशान्त भट्टराईले पाए भने २०२५ को उत्कृष्ट ककसका रूपमा सुहानी श्रेष्ठ चुनिएकी छन्।
विराटनगर जेसिजका अध्यक्ष कविराज दाहालको प्रमुख आतिथ्यमा सम्पन्न सो कार्यक्रममा संस्थापक अध्यक्ष डा. सन्देशदास श्रेष्ठ लगायतको उपस्थिति थियो। कार्यक्रममा संस्थाका पूर्व र वर्तमान अध्यक्षहरूलाई मायाको चिनो प्रदान गर्दै युवा सशक्तीकरणमा जोड दिइएको थियो।

























