
काठमाडौँ। निर्वाचन आयोगले आगामी २१ फागुनमा हुने निर्वाचनका लागि मतदाता परिचयपत्र अनिवार्य नभएको स्पष्ट पारेको छ।
आयोगको कल सेन्टरमा प्राप्त जिज्ञासाहरूको जवाफ दिँदै आयोगले मतदाता नामावलीमा नाम भएका नागरिकले विभिन्न ६ प्रकारका सरकारी कागजातमध्ये कुनै एउटा साथमा लिएर मतदान गर्न पाउने जानकारी दिएको हो।
मतदानका लागि मतदाता नामावलीमा नाम दर्ता हुनु अनिवार्य सर्त रहेको छ। मतदाता परिचयपत्र हराएको वा नष्ट भएको खण्डमा नेपाली नागरिकताको प्रमाणपत्र, राष्ट्रिय परिचयपत्र, राहदानी, सवारी चालक अनुमतिपत्र वा जग्गाधनी प्रमाण पुर्जामध्ये कुनै एउटा सक्कल कागजात देखाएर आफ्नो मताधिकार प्रयोग गर्न सकिनेछ।
आयोगले परिचयपत्र नभएकै आधारमा कुनै पनि योग्य मतदाता मतदानबाट वञ्चित हुन नपरोस् भन्ने उद्देश्यले यो वैकल्पिक व्यवस्था मिलाएको बताएको छ।

























