देशभर ७९ हजारभन्दा बढी सैनिक परिचालन

Share this
694shares
मुलुकी खबर
मुलुकी खबर
clock२०८२ माघ २१, बुधबार ०६:५६

काठमाडौं । फागुन २१ गते हुने प्रतिनिधिसभा सदस्य निर्वाचनको सुरक्षाका लागि नेपाली सेना बुधबारदेखि औपचारिक रूपमा परिचालन गरिएको छ । ७९ हजारभन्दा बढी सैनिक परिचालन गरिएको हो ।

निर्वाचन हुन १ महिना बाँकी रहँदा सरकारले एकीकृत निर्वाचन सुरक्षा योजना–२०८२ अनुसार सेना मैदानमा उतारेको छ । नेपाली सेनाका प्रवक्ता सहायक रथी राजाराम बस्नेतका अनुसार निर्वाचन सुरक्षाका लागि ७९ हजार ७ सय २७ जना सैनिक परिचालन गरिएको छ ।

निर्वाचन अवधिभर हाल सशस्त्र प्रहरीले सुरक्षा दिइरहेका सार्वजनिक भवन, कारागार, विमानस्थललगायत संवेदनशील संरचनाको जिम्मेवारीसमेत सेनाले सम्हाल्नेछ । गत कात्तिकमा राजनीतिक दलहरूले निर्वाचनमा सहभागिताका लागि भरपर्दो सुरक्षा सुनिश्चित गर्नुपर्ने सर्त राखेपछि निर्वाचन आयोगले सेनासहित ४ वटै सुरक्षा निकायलाई संयुक्त रूपमा परिचालन गर्न सरकारसँग आग्रह गरेको थियो ।

त्यसपछि आयोगको उच्चस्तरीय सुरक्षा समिति बैठकको सिफारिसमा मंसिर ११ गते राष्ट्रपति रामचन्द्र पौडेलले निर्वाचनमा सेना परिचालन गर्न स्वीकृति दिएका थिए । असोज ९ गते बसेको केन्द्रीय सुरक्षा समिति बैठकले गृह मन्त्रालयका सहसचिवको संयोजकत्वमा एकीकृत निर्वाचन सुरक्षा योजना–२०८२ तर्जुमा गर्न कार्यदल गठन गरेको थियो ।

कार्यदलले कात्तिक ३० मा गृहमन्त्री ओमप्रकाश अर्याल संयोजक रहेको केन्द्रीय सुरक्षा समितिमा बुझाएको प्रतिवेदन पारित भएपछि सोही योजनाअनुसार सुरक्षा तयारी अघि बढाइएको हो । गृह मन्त्रालयका अनुसार निर्वाचनमा ४ सुरक्षा निकाय र निर्वाचन प्रहरी गरी कुल ३ लाख ३७ हजार ९ सय ११ सुरक्षाकर्मी परिचालन हुनेछन् ।

जसमा नेपाली सेनाका ७९ हजार ७ सय २७, नेपाल प्रहरीका ७५ हजार ५ सय ९७, निर्वाचन प्रहरी १ लाख ३० हजार ९ सय ८०, सशस्त्र प्रहरी बलका ३४ हजार ५ सय ७६ र सशस्त्रअन्तर्गत १५ हजार १ सय १० निर्वाचन प्रहरी रहनेछन् । थप १ हजार ९ सय २१ जना गुप्तचरलाई पनि सुरक्षामा खटाइनेछ ।

प्रदेशगत जनसंख्या र निर्वाचन क्षेत्रको संवेदनशीलतालाई आधार मानेर सुरक्षा व्यवस्थापन गरिने छ। नेपला प्रहरीका प्रवक्ता डीआईजी अविनारायण काफ्लेका अनुसार सामान्य, संवेदनशील र अति संवेदनशील अवस्थाका आधारमा पहिलो, दोस्रो र तेस्रो घेरामा सुरक्षाकर्मी परिचालन हुनेछन् । एउटै मतदानस्थलमा औसत १३ मतदान केन्द्र रहने र त्यहाँ प्रहरी तथा निर्वाचन प्रहरी गरी करिब ८० जनासम्म खटाउने तयारी छ ।

मतपेटिकाको सुरक्षाका लागि पहिलो र दोस्रो घेरामा नेपाल प्रहरी र निर्वाचन प्रहरी रहनेछन् भने तेस्रो घेरामा नेपाली सेना र सशस्त्र प्रहरी बल तैनाथ हुनेछ । यसपटक सेनाले मतपेटिकाको प्रत्यक्ष सुरक्षा जिम्मेवारी पनि लिनेछ ।

यसैबीच, गृह मन्त्रालयले भारत र चीनसँग सीमा जोडिएका जिल्लाका प्रमुख जिल्ला अधिकारीहरूलाई छिमेकी देशका समकक्षीसँग समन्वय गर्न निर्देशन दिएको छ । गृह सचिव राजकुमार श्रेष्ठले निर्वाचन आचारसंहिता कार्यान्वयन, मतदानस्थल अनुगमन, मतपेटिका ढुवानी, सीमा निगरानी, सामाजिक सञ्जालको दुरुपयोग नियन्त्रण र होली पर्वका बेला उच्च सतर्कता अपनाउन निर्देशन दिएका छन् ।

निर्वाचन आयोगका अनुसार फागुन २१ गते हुने निर्वाचनमा देशभर १ करोड ८९ लाख ३ हजार ६ सय ८९ मतदाताले मतदान गर्न पाउने छन् । ७७ जिल्लाका १ सय ६५ निर्वाचन क्षेत्रमा १० हजार ९ सय ६७ मतदानस्थल र २३ हजार १ सय १२ मतदान केन्द्र तोकिएका छन् । हिमाली जिल्लामा कम मतदाता भए पनि आवश्यकताअनुसार मतदान केन्द्र कायम गरिएको आयोगले जनाएको छ ।

सैनिक प्रवक्ता बस्नेतका अनुसार निर्वाचन अवधिभर सेना तेस्रो घेरामा रहेर सुरक्षा दिनेछ । संयुक्त गस्ती, संवेदनशील क्षेत्रमा पोस्ट स्थापना, महत्त्वपूर्ण संरचनाको सुरक्षा र आवश्यकताअनुसार हवाई गस्तीसमेत गरिनेछ । स्थानीय प्रशासन, निर्वाचन अधिकृत र अन्य सुरक्षा निकायसँग समन्वय गरेर निर्वाचनलाई शान्तिपूर्ण, निष्पक्ष र भयरहित बनाउन सेना पूर्ण रूपमा तयारी अवस्थामा रहेको जानकारी बस्नेतले दिए ।

तपाइको प्रतिक्रिया
प्रधानमन्त्री शाहको भारत भ्रमण राजकीय हुने तयारी
बाढीपछिको पुनर्निर्माणमा एडिबीको सहयोग बढाउन नेपालको आग्रह
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
© 2024 Muluki Khabar. All Rights Reserved. Design & Develop By: Indesign Media Pvt. Ltd.