निवर्तमान सभामुख घिमिरेको जवाफ: लामिछानेको अभिव्यक्ति भ्रमपूर्ण र मर्यादविपरीत

Share this
740shares
मुलुकी खबर
मुलुकी खबर
clock२०८२ फागुन १२, मंगलबार १२:४५

बिर्तामोड । निवर्तमान सभामुख देवराज घिमिरेले राष्ट्रिय स्वतन्त्र पार्टी (रास्वपा) का सभापति रवि लामिछानेले आफूविरुद्ध घृणा फैलाउने नियतले भ्रमपूर्ण अभिव्यक्ति दिएको भन्दै कडा आपत्ति जनाएका छन्। झापा क्षेत्र नम्बर २ का उम्मेदवार समेत रहेका घिमिरेले मंगलबार प्रेस विज्ञप्ति जारी गर्दै लामिछानेको टिप्पणी संसदीय मर्यादा र सत्यताभन्दा टाढा रहेको स्पष्ट पारेका हुन्।

आजै बिहान बिर्तामोडमा आयोजित रास्वपाको चुनावी सभामा लामिछानेले घिमिरेलाई ‘जनताको आवाज उठाउँदा माइक काट्ने सभामुख’ भन्दै आलोचना गरेका थिए। सोही सन्दर्भमा घिमिरेले जवाफ दिँदै संसदीय अभ्यासमा माइक काट्नु सभामुखको व्यक्तिगत इच्छा नभई पूर्वनिर्धारित समय र संसद्को नियमावली अनुसार हुने नियमित प्रक्रिया भएको बताएका छन्। उनले भनेका छन्, ‘संसद्को कार्यप्रणालीबारे सामान्य जानकारी राख्ने व्यक्तिले पनि यो बुझ्न सक्छ कि छलफललाई व्यवस्थित बनाउन समय निर्धारण गरिन्छ।’

घिमिरेले लामिछानेलाई उल्टै प्रश्न गर्दै सांसद पदमा बहाल रहन सक्ने कानुनी आधार नभएको अवस्थामा कुन नैतिकताले मतदातासँग मत मागिरहनुभएको छ भनी प्रश्न गरेका छन्। उनले संसद्को वेबसाइटमा उपसभामुख वा अन्य सदस्यले सभा सञ्चालन गर्दा पनि समय सकिएपछि माइक स्वतः काटिने उदाहरण दिँदै लामिछानेले चुनावी फाइदाका लागि नियोजित रूपमा भ्रम फैलाएको दाबी गरे।

लोकतान्त्रिक प्रतिस्पर्धालाई व्यक्तिगत आरोप र घृणाले प्रभावित पार्न खोज्नु दुःखद भएको घिमिरेको ठम्याइ छ। उनले आफू यसअघि नै प्रतिस्पर्धी उम्मेदवारबारे अनावश्यक टिप्पणी नगर्ने प्रतिबद्धतामा अडिग रहेको समेत स्मरण गराएका छन्। झापामा चुनावी सरगर्मी बढ्दै जाँदा प्रमुख राजनीतिक दलका उम्मेदवारहरू बीचको वाकयुद्धले माहोल थप तातेको छ।

तपाइको प्रतिक्रिया
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
अस्पतालको आशामा जग्गा दिए, नबनेपछि मुख्यमन्त्री कार्यालय अगाडि आमरण अनशन
© 2024 Muluki Khabar. All Rights Reserved. Design & Develop By: Indesign Media Pvt. Ltd.