मानव अधिकार र लोकतान्त्रिक मूल्यप्रति सरकार अडिग छ: प्रधानमन्त्री कार्की

Share this
811shares
मुलुकी खबर
मुलुकी खबर
clock२०८२ फागुन १२, मंगलबार १३:४४

काठमाडौं । प्रधानमन्त्री सुशीला कार्कीले लोकतान्त्रिक मूल्य र मानव अधिकारको सम्मान तथा संरक्षणप्रति नेपाल सरकार पूर्ण रूपमा अडिग रहेको बताएकी छन्। जेनेभामा आयोजित संयुक्त राष्ट्रसङ्घीय मानव अधिकार परिषद्को ६१औँ सत्रलाई भर्चुअल माध्यमबाट सम्बोधन गर्दै उनले यस्तो धारणा राखेकी हुन्।

सम्बोधनका क्रममा प्रधानमन्त्री कार्कीले सुदृढ नीतिगत, कानुनी तथा संस्थागत संयन्त्रमार्फत मानव अधिकारको प्रभावकारी कार्यान्वयनमा नेपाल निरन्तर क्रियाशील रहेको जानकारी दिइन्। नेपालको संविधानले मानव अधिकार र मौलिक स्वतन्त्रतालाई लोकतान्त्रिक शासन व्यवस्थाको आधारस्तम्भका रूपमा स्थापित गरेको उल्लेख गर्दै उनले सबै प्रकारका मानव अधिकारको संरक्षणमा सरकार प्रतिबद्ध रहेको स्पष्ट पारिन्।

प्रधानमन्त्रीले भ्रष्टाचारविरुद्ध कडा कदम चाल्दै सुशासन कायम गर्नु आफ्नो नेतृत्वको सरकारको मुख्य प्राथमिकता रहेको बताइन्। साथै, आगामी फागुन २१ गते हुन लागेको प्रतिनिधिसभा निर्वाचनलाई स्वतन्त्र, निष्पक्ष र विश्वसनीय रूपमा सम्पन्न गर्न सरकारले सम्पूर्ण तयारी पूरा गरेको उनले उल्लेख गरिन्।

सङ्क्रमणकालीन न्यायका विषयमा बोल्दै प्रधानमन्त्री कार्कीले यस प्रक्रियालाई पारदर्शी, समावेशी, विश्वसनीय र पीडित–केन्द्रित ढङ्गले टुङ्गोमा पुर्‍याइने प्रतिबद्धता जनाइन्। उनले संयुक्त राष्ट्रसङ्घको बडापत्रमा उल्लिखित उद्देश्य र सिद्धान्तप्रति नेपालको पूर्ण प्रतिबद्धता रहेको समेत दोहोर्‍याएकी छन्।

तपाइको प्रतिक्रिया
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
अस्पतालको आशामा जग्गा दिए, नबनेपछि मुख्यमन्त्री कार्यालय अगाडि आमरण अनशन
© 2024 Muluki Khabar. All Rights Reserved. Design & Develop By: Indesign Media Pvt. Ltd.