रुस–युक्रेन युद्धको ४ वर्ष: ज्यान गुमाउने नेपालीको संख्या ११८ पुग्यो

Share this
762shares
मुलुकी खबर
मुलुकी खबर
clock२०८२ फागुन १४, बिहीबार १४:३६

काठमाडौं । रुस–युक्रेन युद्ध सुरु भएको चार वर्ष पूरा हुँदा रुसी सेनामा भर्ती भएका ११८ जना नेपालीले ज्यान गुमाएका छन् । परराष्ट्र मन्त्रालय र कन्सुलर विभागका अनुसार युद्धमा परी हालसम्म १३२ जना नेपाली बेपत्ता छन् भने २१९ जना घाइते भएका छन् ।

सन् २०२२ फेब्रुअरी २४ बाट सुरु भएको यस युद्धमा गोरखाका सञ्जित भट्ट जस्ता कतिपय नेपालीले ज्यान जोगाउन सफल भए पनि धेरै युवाहरू प्रलोभनमा परेर युद्धमैदानमा होमिएका छन् । सुरुमा युक्रेनबाट झन्डै २ हजार नेपाली सुरक्षित निस्किएका थिए भने त्यसको विपरीत ठूलो संख्यामा नेपालीहरू रुसी सेनामा भर्ना हुन पुगेका थिए । नेपाल, कतार, मलेसिया र दुबईमा कार्यरत युवाहरू मानव तस्करमार्फत मस्को पुगेर सेनामा भर्ती भएको पाइएको छ ।

दैलेखका प्रकाश बोहराले घरमा जानकारी नै नदिई १० लाख खर्चेर रुस पुगेको र सात दिनको तालिमपछि सिधै युद्धको फ्रन्टलाइनमा खटिएको बताए । १८ महिना युद्धमा बिताएका उनले आफ्नै आँखा अगाडि साथीहरू मरेको र मिसाइलको वर्षा भएको भयावह दृश्य सुनाए । रुसी राष्ट्रपति भ्लादिमिर पुटिनले विदेशी नागरिकलाई सेनामा भर्ती भएमा आकर्षक तलब र नागरिकता दिने नीति ल्याएपछि नेपाली विद्यार्थी र कामदारहरू प्रलोभनमा परेका हुन् ।

पछिल्लो समय गुजरा नगरपालिका–२, रौतहटका ४५ वर्षीय मानबहादुर तामाङको ड्रोन हमलामा परी मृत्यु भएको खबर आएको छ, यद्यपि सरकारले यसको आधिकारिक पुष्टि गर्न बाँकी छ । रुसी सेनामा रहेका जनम राईले अहिले नेपाल फर्कन खोज्दा पनि नदिइएको गुनासो गरेका छन् । रुसले आधिकारिक तथ्याङ्क नदिए पनि करिब १५ सय नेपाली रुसी सेनामा कार्यरत रहेको अनुमान गरिएको छ ।

तपाइको प्रतिक्रिया
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
अस्पतालको आशामा जग्गा दिए, नबनेपछि मुख्यमन्त्री कार्यालय अगाडि आमरण अनशन
© 2024 Muluki Khabar. All Rights Reserved. Design & Develop By: Indesign Media Pvt. Ltd.