नेपाल सरकारद्वारा इजरायल र इरान भ्रमण नगर्न अपिल

Share this
760shares
मुलुकी खबर
मुलुकी खबर
clock२०८२ फागुन १६, शनिबार १६:२५

काठमाडौं । मध्यपूर्वमा इजरायल र इरानबीच बढ्दो सैन्य तनाव र युद्धको सम्भावनालाई मध्यनजर गर्दै नेपाल सरकारले आफ्ना नागरिकहरूको सुरक्षाका लागि कडा कदम चालेको छ। परराष्ट्र मन्त्रालयले शनिबार एक विशेष सुरक्षा निर्देशिका (एडभाइजरी) जारी गर्दै तत्कालका लागि इजरायल र इरानको यात्रा नगर्न सम्पूर्ण नेपाली नागरिकलाई आग्रह गरेको छ।

मन्त्रालयले विकसित घटनाक्रमको सूक्ष्म निगरानी गरिरहेको जनाउँदै रोजगारी वा अन्य कुनै पनि प्रयोजनका लागि यी दुई देश जाने तयारीमा रहेका नेपालीहरूलाई परिस्थिति सामान्य नभएसम्मका लागि आफ्नो यात्रा योजना तत्काल स्थगित गर्न कडा सुझाव दिएको छ। यो निर्णयले वैदेशिक रोजगारीका लागि इजरायल जाने पर्खाइमा रहेका धेरै नेपालीहरूलाई प्रत्यक्षरूपमा असर पार्ने देखिन्छ।

यसैगरी, इजरायल र इरानमा हाल बसोबास गरिरहेका वा कार्यरत नेपाली नागरिकहरूलाई मन्त्रालयले उच्च सतर्कता अपनाउन र सुरक्षित रहन अपिल गरेको छ। उनीहरूलाई त्यहाँका सम्बन्धित सरकारी तथा सुरक्षा निकायले जारी गरेका सुरक्षा सल्लाह र निर्देशनहरूको पूर्ण रूपमा पालना गर्न अनुरोध गरिएको छ।

नागरिकहरूलाई सकेसम्म घरभित्रै बस्न, चनाखो रहन, आवश्यक सावधानी अपनाउन र आफू रहेको क्षेत्रका नेपाली समुदायसँग निरन्तर सम्पर्कमा रहन सुझाइएको छ। स्थानीय अधिकारीको पूर्व स्वीकृति बिना कुनै पनि यात्रा नगर्न मन्त्रालयले सचेत गराएको छ।

परराष्ट्र मन्त्रालयले मध्यपूर्वका अन्य देशहरूमा बसोबास गर्ने तथा कार्यरत नेपालीहरूलाई पनि विकसित घटनाक्रमको निरन्तर निगरानी गर्न र सम्बन्धित देशका अधिकारीहरूले सुझाएका पूर्वसावधानीका उपायहरू अपनाउन आग्रह गरेको छ। कुनै पनि आपत्कालीन अवस्था आइपरेमा वा आवश्यक जानकारी तथा समन्वयका लागि मन्त्रालयले सम्पर्क विवरणहरूसमेत सार्वजनिक गरेको छ। नागरिकहरूलाई काठमाडौँस्थित परराष्ट्र मन्त्रालय, इजरायलको तेल अविवस्थित नेपाली राजदूतावास र कतारको दोहास्थित नेपाली राजदूतावाससँग निरन्तर सम्पर्कमा रहन अनुरोध गरिएको छ।

तपाइको प्रतिक्रिया
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
अस्पतालको आशामा जग्गा दिए, नबनेपछि मुख्यमन्त्री कार्यालय अगाडि आमरण अनशन
© 2024 Muluki Khabar. All Rights Reserved. Design & Develop By: Indesign Media Pvt. Ltd.