
सर्लाही । सर्लाही निर्वाचन क्षेत्र नम्बर ४ मा प्रतिनिधिसभा सदस्यका लागि भइरहेको मतगणनामा रोचक प्रतिस्पर्धा देखिएको छ। पछिल्लो सार्वजनिक मत परिणाम अनुसार राष्ट्रिय स्वतन्त्र पार्टी (रास्वपा) का उम्मेदवार अमरेश कुमार सिंहले आफ्नो अग्रतालाई अझ फराकिलो बनाउँदै लगेका छन्।
ताजा विवरण अनुसार सिंहले १४ हजार ४३४ मत प्राप्त गरेका छन्। उनलाई पछ्याइरहेका नेपाली कांग्रेसका सभापति गगन कुमार थापाले हालसम्म ८ हजार ४६२ मत पाएका छन्। यो नतिजासँगै सिंह र थापाबीचको मतान्तर ५ हजार ९७२ पुगेको छ।
यसैगरी, नेकपा एमालेका उम्मेदवार अमनिश कुमार यादव २ हजार २६१ मतका साथ तेस्रो स्थानमा रहेका छन्। सर्लाहीको यो क्षेत्रमा नयाँ शक्ति र स्थापित नेताबीचको कडा प्रतिस्पर्धाले सबैको ध्यान खिचेको छ। मतगणना अझै जारी रहेकाले अन्तिम परिणामका लागि केही समय कुर्नुपर्ने देखिन्छ।

























