२८ क्षेत्रको नतिजा आउन बाँकी हुँदा १८ मा रास्वपाको अग्रता

Share this
717shares
मुलुकी खबर
मुलुकी खबर
clock२०८२ फागुन २४, आइतबार १०:४९

काठमाडौं। प्रतिनिधिसभा सदस्य निर्वाचनको मतगणना अन्तिम चरणमा पुग्दा राष्ट्रिय स्वतन्त्र पार्टी (रास्वपा) स्पष्ट बहुमततर्फ उन्मुख देखिएको छ । देशभरका १६५ निर्वाचन क्षेत्रमध्ये अब २८ क्षेत्रको अन्तिम नतिजा आउन बाँकी छ, जसमा रास्वपाले १८ स्थानमा आफ्नो अग्रता कायम राखेको छ ।

हालसम्म सार्वजनिक भएको नतिजा अनुसार रास्वपाले प्रत्यक्षतर्फ १०६ सिट जितिसकेको छ । गणना जारी रहेका १८ क्षेत्रमा पनि अग्रता कायम रहेकाले रास्वपाले एकल सरकार बनाउन आवश्यक सिट संख्या सहजै कटाउने देखिएको छ । रास्वपा बाहेक अहिलेसम्म नेपाली कांग्रेसले १५, नेकपा एमालेले ७, नेपाली कम्युनिस्ट पार्टीले ६ तथा राप्रपा, श्रम संस्कृति र स्वतन्त्रले एक–एक स्थानमा जित हासिल गरेका छन् ।

यसपटकको निर्वाचनमा रास्वपाले ऐतिहासिक सफलता हासिल गर्ने क्रममा झापा क्षेत्र नम्बर ५ मा नेकपा एमालेका अध्यक्ष केपी शर्मा ओलीलाई पराजित गरेको छ । रास्वपाका उम्मेदवार बालेन्द्र शाह (बालेन) ६८ हजार ३४८ मतसहित निर्वाचित हुँदा ओली १८ हजार ७३४ मतमा सीमित भए । ओली र शाहबीच ४९ हजार ६१४ को फराकिलो मतान्तर रहेको छ । बालेनलाई भावी प्रधानमन्त्रीका रूपमा अघि सारेको रास्वपाले अब आफ्नै नेतृत्वमा सरकार बनाउने तयारी थालेको छ ।

प्रत्यक्षतर्फको मतगणना सकिएका क्षेत्रमा समानुपातिकतर्फको गणना पनि तीव्र पारिएको छ । समानुपातिकतर्फ पनि रास्वपाले नै अन्य दलहरूलाई निकै पछि पारेको छ । चितवन–३ बाट निर्वाचित रास्वपाकी सचिवालय सदस्य सोविता गौतमले अब बालेनकै नेतृत्वमा नयाँ सरकार बन्ने बताएकी छन् । जनताले अन्तिम आशाका रूपमा रास्वपालाई विश्वास गरेकाले यसलाई परिणाममुखी काममा रूपान्तरण गर्ने उनको प्रतिबद्धता छ ।

बाँकी रहेका क्षेत्रको अन्तिम नतिजा पनि आजै साँझसम्म आउने निर्वाचन आयोगले जनाएको छ ।

तपाइको प्रतिक्रिया
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
अस्पतालको आशामा जग्गा दिए, नबनेपछि मुख्यमन्त्री कार्यालय अगाडि आमरण अनशन
© 2024 Muluki Khabar. All Rights Reserved. Design & Develop By: Indesign Media Pvt. Ltd.