जेनजी प्रदर्शन र हिंसात्मक घटना : जाँचबुझ आयोगले बुझायो प्रतिवेदन

Share this
801shares
मुलुकी खबर
मुलुकी खबर
clock२०८२ फागुन २४, आइतबार १२:२२

काठमाडौं। जेनजी प्रदर्शन र त्यस क्रममा भएका हिंसात्मक घटनाको छानबिन गर्न गठित उच्चस्तरीय जाँचबुझ आयोगले आज आफ्नो प्रतिवेदन सरकारलाई बुझाएको छ । पूर्वन्यायाधीश गौरीबहादुर कार्कीको नेतृत्वमा रहेको आयोगले आइतबार सिंहदरबारमा प्रधानमन्त्री सुशीला कार्कीलाई प्रतिवेदन हस्तान्तरण गरेको हो ।

सरकारले गत असोज ५ गते भदौ २३ र २४ मा भएको जेनजी प्रदर्शनबारे जाँचबुझ गर्न यो आयोग गठन गरेको थियो । आयोगमा पूर्व एआईजी विज्ञानराज शर्मा र कानुन व्यवसायी विश्वेश्वर भण्डारी सदस्य रहेका थिए । प्रतिवेदन बुझाए पनि यसमा समेटिएका मुख्य निष्कर्ष र सुझावहरू भने सार्वजनिक गरिएको छैन ।

आयोगले छानबिनका क्रममा भदौ २३ र २४ को आन्दोलनमा युवाहरूको ज्यान जाने गरी भएको घटनाका विषयमा विस्तृत अध्ययन गरेको थियो । सो क्रममा १५० जनाभन्दा धेरै सरकारी अधिकारीहरू र आन्दोलनका प्रत्यक्षदर्शीहरूसँग बयान लिइएको आयोगले जनाएको छ ।

स्मरणीय छ, जेनजी आन्दोलन हुँदा मुलुकमा केपी शर्मा ओलीको नेतृत्वमा सरकार थियो । सो समयमा गृह मन्त्रीको जिम्मेवारीमा रमेश लेखक, गृह सचिवमा गोकर्णमणि दुवाडी, प्रहरी महानिरीक्षक (आईजीपी) मा चन्द्रकुवेर खापुङ र काठमाडौँको प्रमुख जिल्ला अधिकारीमा छविलाल रिजाल रहेका थिए ।

आन्दोलनका क्रममा भएको बल प्रयोग र मानवीय क्षतिका विषयमा आयोगले तत्कालीन सुरक्षा नेतृत्व र प्रशासनिक अधिकारीहरूको भूमिकाबारे समेत प्रतिवेदनमा चर्चा गरेको अनुमान गरिएको छ ।

तपाइको प्रतिक्रिया
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
अस्पतालको आशामा जग्गा दिए, नबनेपछि मुख्यमन्त्री कार्यालय अगाडि आमरण अनशन
© 2024 Muluki Khabar. All Rights Reserved. Design & Develop By: Indesign Media Pvt. Ltd.