टिकटकमा लाखौँ फ्यान, चुनावमा २४० मतसहित लज्जास्पद हार

Share this
686shares
मुलुकी खबर
मुलुकी खबर
clock२०८२ फागुन २५, सोमबार १२:५४

पर्सा। सामाजिक सञ्जाल टिकटकमा करोडौँको मन जितेका चर्चित टिकटकर मोहम्मद उमर खानले प्रतिनिधिसभा निर्वाचनमा लज्जास्पद हार बेहोरेका छन्। पर्सा निर्वाचन क्षेत्र नम्बर १ बाट उम्मेदवारी दिएका खानले जम्मा २४० मत मात्र प्राप्त गरेका हुन्।

उमर खानको ‘अफिसियल उमरखान२’ नामक टिकटक आइडीलाई ३२ लाखभन्दा बढीले पछ्याएका छन् भने उनका भिडियोहरू करोडौँ पटक हेरिएका छन्। विशेषगरी ९० को दशकका रोमान्टिक हिन्दी र चर्चित नेपाली गीतहरूमा अभिनय गर्दै उनले लाखौँ फ्यान बनाएका थिए। मेलिना पन्तसँगको उनको टिकटक जोडीलाई दर्शकले निकै रुचाउने गर्छन्। तर, सामाजिक सञ्जालको यो अपार लोकप्रियता मतदाताको मतमा भने बदल्न सकेन।

तेक्वान्डोमा ४३ स्वर्ण पदक विजेता खानले चितवनमा मदरसा विद्यालयसमेत सञ्चालन गरिरहेका छन्। उनले नेपाली फिल्म ‘होस्टेल ३’ मा भिलेनको भूमिकाबाट अभिनयमा डेब्युसमेत गरेका छन्। उनी मुस्लिम आयोगका पूर्वअध्यक्ष समिम मिया अन्सारीको नेतृत्वमा गठित ‘राष्ट्र निर्माण दल’ बाट चुनावमा होमिएका थिए। गएको पुस १७ गते घोषणा गरिएको यस दलको चुनाव चिह्न पानीको बोतल रहेको थियो।

पर्सा–१ मा राष्ट्रिय स्वतन्त्र पार्टी (रास्वपा) का बुद्धिप्रसाद पन्त २७ हजार २७४ मत ल्याएर विजयी भएका छन्। पन्तका निकटतम प्रतिद्वन्द्वी पूर्वमन्त्री एवं नेकपा एमालेका उम्मेदवार प्रदीप यादवले १३ हजार ३० मत मात्र प्राप्त गरे। यहाँ नेपाली कांग्रेसका अनिल रुँगटा तेस्रो स्थानमा रहे।

तपाइको प्रतिक्रिया
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
अस्पतालको आशामा जग्गा दिए, नबनेपछि मुख्यमन्त्री कार्यालय अगाडि आमरण अनशन
© 2024 Muluki Khabar. All Rights Reserved. Design & Develop By: Indesign Media Pvt. Ltd.