‘खर्चको विवरण बुझाऊ’

Share this
742shares
मुलुकी खबर
मुलुकी खबर
clock२०८२ फागुन २९, शुक्रबार १३:३८

काठमाडौं । निर्वाचन आयोगले प्रतिनिधिसभा सदस्य निर्वाचनमा सहभागी उम्मेदवार र राजनीतिक दललाई चुनावी खर्चको विवरण समयमै सार्वजनिक गर्न निर्देशन दिएको छ ।

आयोगले फागुन २१ गते सम्पन्न प्रतिनिधिसभा सदस्य निर्वाचनसँग सम्बन्धित चुनावी प्रचारप्रसारमा भएको आम्दानी तथा खर्चको विवरण कानुनअनुसार सार्वजनिक गर्नुपर्ने जनाएको हो । आयोगका अनुसार प्रत्यक्षतर्फका उम्मेदवारले आफ्नो चुनावी खर्च विवरण सम्बन्धित निर्वाचन कार्यालयमा बुझाउनुपर्नेछ भने समानुपातिक प्रणालीतर्फका राजनीतिक दलले आयोगमै विवरण पेस गर्नुपर्ने व्यवस्था छ ।

प्रतिनिधिसभा सदस्य निर्वाचन ऐन, २०७४ को दफा ७२ अनुसार निर्वाचन प्रचारप्रसारमा भएको खर्चको विवरण सार्वजनिक गर्नुपर्ने कानुनी व्यवस्था रहेको आयोगले जनाएको छ । साथै, निर्वाचन (कसुर तथा सजाय) ऐन, २०७३ को दफा ३१ बमोजिम निर्वाचन परिणाम घोषणा भएको मितिले ३५ दिनभित्र खर्चको विवरण बुझाउनुपर्ने प्रावधान छ ।

आयोगका सहसचिव तथा प्रवक्ता नारायणप्रसाद भट्टराईले उम्मेदवार र दलले सार्वजनिक गरेको खर्च विवरणको प्रमाणस्वरूप फोटो, स्क्रिनसट वा अन्य भरपर्दो प्रमाण समेत संलग्न गरी तोकिएको समयभित्र बुझाउनुपर्ने बताए । निर्वाचन खर्चको विवरण सार्वजनिक नगर्ने वा नबुझाउने उम्मेदवार तथा दललाई कानुनअनुसार कारबाही गरिने आयोगले स्पष्ट पारेको छ ।

तपाइको प्रतिक्रिया
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
अस्पतालको आशामा जग्गा दिए, नबनेपछि मुख्यमन्त्री कार्यालय अगाडि आमरण अनशन
© 2024 Muluki Khabar. All Rights Reserved. Design & Develop By: Indesign Media Pvt. Ltd.