
दार्चुला । निर्वाचन ड्युटी सकेर घर फर्किने क्रममा भिरबाट लडेर एक जना म्यादी प्रहरी (निर्वाचन प्रहरी)को मृत्यु भएको छ ।
दार्चुलाको लेकम गाउँपालिका–२ का४० वर्षीय प्रकाश धामी भिरबाट लडेर मृत्यु भएको हो । दार्चुला प्रहरीका इन्स्पेक्टर हेमराज भट्टका अनुसार घर फर्किने क्रममा लेकम गाउँपालिका–१ स्थित भिरबाट लडेर गम्भीर घाइते भएपछि धामीलाई उपचारका लागि सेती प्रादेशिक अस्पताल धनगढी लगिएको थियो ।
धामीको उपचारका क्रममा शुक्रबार मृत्यु भएको प्रहरीले जनाएको छ । घटनाको अनुसन्धान भइरहेको प्रहरीले जनाएको छ ।

























