कोशी प्रदेशमा ८१.६० प्रतिशत उम्मेदवारले जोगाउन सकेनन् जमानत

Share this
715shares
मुलुकी खबर
मुलुकी खबर
clock२०८२ चैत १, आइतबार १७:४९

विराटनगर । फागुन २१ गते सम्पन्न प्रतिनिधिसभा सदस्य निर्वाचनमा कोशी प्रदेशबाट उम्मेदवार बनेका ८१.६० प्रतिशतको जमानत जफत भएको छ ।

विभिन्न दल र स्वतन्त्रबाट उम्मेदवारी दिएका ३ सय ९९ जनाले जमानत जोगाउन नसकेका हुन् । कोशीमा ४ सय ९५ जना उम्मेदवार चुनावी प्रतिस्पर्धामा थिए । प्रदेश निर्वाचन कार्यालय विराटनगरका अनुसार ९६ जनाको मात्रै धरौटी जोगिएको छ ।

धरौटी जोगाउने उम्मेदवार १८.४० प्रतिशत मात्रै रहेका हुन् । स्वतन्त्रबाट उम्मेदवारी दिएका लगभग सबै जनाको जमानत जफत भएको कार्यालयले जनाएको छ । कार्यालयका अनुसार दलबाट उम्मेदवारी दिएका पनि अधिकांशले जमानत जोगाउन सकेनन् ।

कतिपय निर्वाचन क्षेत्रबाट ठूला दलका उम्मेदवारको पनि धरौटी जफत भएको छ । प्रतिनिधिसभा सदस्य निर्वाचन ऐन, २०७४ को दफा ७१ को उपदफा १ मा पहिलो हुने निर्वाचित हुने निर्वाचन प्रणाली अन्तर्गतको निर्वाचनमा सदर मतको १० प्रतिशतभन्दा कम मत पाउने उम्मेदवारको धरौटी जफत हुने व्यवस्था छ । चुनावी मैदानबाट ठूलो संख्याका उम्मेदवारले धरौटी जोगाउने मतसमेत प्राप्त गरेनन् ।

१४ वटा जिल्ला रहेको कोशी प्रदेशमा २८ वटा निर्वाचन क्षेत्र छन् । ६ वटा निर्वाचन क्षेत्र रहेको मोरङमा १ सय १० जना उम्मेदवार चुनावी प्रतिस्पर्धामा थिए । तीमध्ये ९१ जनाको जमानत जफत हुँदा १९ जना जोगिएका छन् ।

मोरङ क्षेत्र नम्बर १ मा १७ मध्ये १३, २ मा १७ मध्ये १४, ३ मा १८ मध्ये १५, ४ मा १९ मध्ये १६, ५ मा २२ मध्ये १८ र ६ मा १७ मध्ये १५ जनाको जमानत जफत भएको प्रदेश निर्वाचन अधिकारी चोलाराज दंगालले बताए । उनका अनुसार मोरङमा ठूलो संख्याका उम्मेदवार धरौटी जोगाउन असफल भए ।

५ वटा निर्वाचन क्षेत्र रहेको झापामा पनि धरौटी गुमाउने उम्मेदवारको संख्या अत्यधिक छ । ९० जना उम्मेदवारमध्ये १२ जना मात्रै जमानत जोगाउन सफल भएका छन् । झापा– १ मा १५ मध्ये १२, २ मा १८ मध्ये १६, ३ मा १७ मध्ये १५, ४ मा १६ मध्ये १३ र ५ मा २४ मध्ये २२ जनाको जमानत जफत भएको जानकारी दंगालले दिए ।

४ वटा निर्वाचन क्षेत्र रहेको सुनसरीमा १ सय १० जना उम्मेदवार प्रतिस्पर्धामा थिए । तीमध्ये १० जनाको मात्रै जमानत जोगिएको छ । सय जना उम्मेदवारले धरौटी गुमाए । सुनसरीको क्षेत्र नम्बर १ मा २६ मध्ये २४, २ मा २८ मध्ये २६, ३ मा २३ मध्ये २० र ४ मा ३३ मध्ये उम्मेदवार रहेकोमा ३० जनाको जमानत जफत भएको छ ।

२ वटा निर्वाचन क्षेत्र रहेको इलाममा १८ जनाको जमानत जफत भएको छ । क्षेत्र नम्बर १ का १३ मध्ये ८ र २ का १४ मध्ये १० जना उम्मेदवारले जमानत जोगाउन नसकेका हुन् । त्यस्तै, २ वटै निर्वाचन क्षेत्र रहेको उदयपुरमा २१ जना उम्मेदवारको जमानत जोगिएन । क्षेत्र नम्बर १ का १८ मध्ये १३ र २ का १३ मध्ये ८ जनाको जमानत जफत भएको हो ।

एउटा मात्रै निर्वाचन क्षेत्र रहेका ताप्लेजुङ, पाँचथर, धनकुटा, संखुवासभा, तेह्रथुम, भोजपुर, खोटाङ, ओखलढुंगा र सोलुखुम्बुमा ९१ जना उम्मेदवारले जमानत जोगाउन सकेनन् । यी ९ वटा जिल्लामा १ सय २७ जना उम्मेदवार थिए । ३६ जनाले मात्रै जमानत जोगाएका छन् ।

ताप्लेजुङमा १३ मध्ये ९, पाँचथरमा १५ मध्ये ११, धनकुटामा १७ मध्ये १३, संखुवासभामा १६ मध्ये १२, तेह्रथुममा १२ मध्ये ८, भोजपुरमा १२ मध्ये ७, खोटाङमा १५ मध्ये ११, ओखलढुंगामा १५ मध्ये ११ र सोलुखुम्बुमा १२ मध्ये ९ जना उम्मेदवारको जमानत जफत भएको छ ।

कोशी प्रदेशमा प्रत्यक्षतर्फ राष्ट्रिय स्वतन्त्र पार्टी (रास्वपा) सबैभन्दा धेरै क्षेत्रमा विजयी भएको छ । रास्वपाले १७, नेपाली कांग्रेस र नेकपा (एमाले)ले ४–४ तथा श्रम संस्कृति पार्टीले ३ वटा सिट जितेका छन् ।

तपाइको प्रतिक्रिया
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
अस्पतालको आशामा जग्गा दिए, नबनेपछि मुख्यमन्त्री कार्यालय अगाडि आमरण अनशन
© 2024 Muluki Khabar. All Rights Reserved. Design & Develop By: Indesign Media Pvt. Ltd.