चैत्र नवरात्र सुरु, हनुमानढोकामा घटस्थापना

Share this
698shares
मुलुकी खबर
मुलुकी खबर
clock२०८२ चैत ५, बिहीबार ०६:४०

काठमाडौं । चैते दसैंअन्तर्गत चैत्र शुक्ल प्रतिपदाको अवसरमा आज (बिहीबार)देखि चैत्र नवरात्र सुरु भएको छ । नवरात्रको पहिलो दिन हनुमानढोका दरबारमा विधिपूर्वक घटस्थापना गरी नवदुर्गा देवीको पूजाआराधना आरम्भ गरिएको छ ।

नेपाल पञ्चाङ्ग निर्णायक विकास समितिका अनुसार बिहान ७ः५१ बजे घटस्थापनाको उत्तम साइत रहेको छ । सोही साइतमा उत्तर फर्केर घटस्थापना गर्नुपर्ने जनाइएको छ ।

नवरात्र सुरु भएसँगै देशभरका शक्तिपीठ तथा देवी मन्दिरहरूमा भक्तजनको भिड लाग्न थालेको छ । भक्तजनहरूले नौ दिनसम्म नवदुर्गाको पूजा, उपासना र व्रत बस्ने परम्परा रहिआएको छ ।

शास्त्रीय मान्यताअनुसार वर्षमा चार पटक नवरात्र पर्ने भए पनि आश्विन र चैत्र महिनाको नवरात्रलाई विशेष रूपमा मनाइन्छ । आषाढ र पौष शुक्ल पक्षका नवरात्रलाई भने लुप्त नवरात्रका रूपमा चिनिन्छ ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.