चिनियाँ राष्ट्रपतिको पुस्तक जलाइएको घटनामा छानबिन समिति गठन

Share this
721shares
मुलुकी खबर
मुलुकी खबर
clock२०८२ चैत ५, बिहीबार १२:०७

विराटनगर । मनमोहन प्राविधिक विश्वविद्यालयमा चिनियाँ राष्ट्रपति सी जिनपिङको पुस्तक ‘द गभर्नेन्स अफ चाइना’ जलाइएको घटनाबारे छानबिन गर्न समिति गठन गरिएको छ।

गृह मन्त्रालयको निर्देशनपछि मोरङका सहायक प्रमुख जिल्ला अधिकारी सरोज कोइरालाको संयोजकत्वमा पाँच सदस्यीय समिति बनाइएको हो।

समितिमा जिल्ला प्रहरी कार्यालय मोरङका डीएसपी, प्रदेश आन्तरिक मामिला तथा कानुन मन्त्रालयका प्रतिनिधि, सरकारी वकिल कार्यालयका प्रतिनिधि र शिक्षा इकाइका प्रतिनिधि सदस्य छन्।

मोरङका प्रमुख जिल्ला अधिकारी युवराज कट्टेलका अनुसार समितिलाई १५ दिनभित्र प्रतिवेदन पेस गर्न समयसीमा दिएका छन्। समितिले बिहीबारदेखि नै काम सुरु गरेको छ।

सरसफाइका क्रममा पुस्तकका केही प्रति जलेको भिडिओ सार्वजनिक भएपछि चिनियाँ दूतावासले परराष्ट्र मन्त्रालयमार्फत लिखित ध्यानाकर्षण गराएका थिए। त्यसलगत्तै मन्त्रालयले यसबारे चासो देखाउँदै छानबिन अघि बढाएको हो।

यसैबीच, मनमोहन प्राविधिक विश्वविद्यालयले प्रेस विज्ञप्ति जारी गर्दै सामाजिक सञ्जालमा आएका सूचनाप्रति गम्भीर ध्यानाकर्षण भएको जनाएका छन्। विश्वविद्यालयले सिभिल इन्जिनियरिङ विभागका नयाँ ल्याब स्थापना गर्न पुराना वर्कशप खाली गर्ने क्रममा केही सामग्री व्यवस्थापन गरिएको स्पष्ट पारेका छन्। लामो समयदेखि प्रयोगमा नआएका, कवाडी अवस्थामा रहेका र धमिरा लागेका केही पुस्तक मात्र नष्ट गरिएको विश्वविद्यालयले दाबी गरेको छ।

तपाइको प्रतिक्रिया
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
अस्पतालको आशामा जग्गा दिए, नबनेपछि मुख्यमन्त्री कार्यालय अगाडि आमरण अनशन
© 2024 Muluki Khabar. All Rights Reserved. Design & Develop By: Indesign Media Pvt. Ltd.