कैद र जरिबाना छलेर भोजपुरबाट बसाइँसराइ, मोरङमा पक्राउ

Share this
709shares
मुलुकी खबर
मुलुकी खबर
clock२०८२ चैत २०, शुक्रबार १८:११
विराटनगरबाट लागुऔषधसहित एक युवक पक्राउ

विराटनगर । ठगी मुद्दामा अदालतले तोकेको कैद र जरिबाना छलेर भोजपुरबाट बसाइँसराइ गरी मोरङ झरेका एक जना व्यक्ति १३ वर्षपछि पक्राउ परेका छन् ।

ठगी मुद्दामा जिल्ला अदालत भोजपुरबाट दोषी ठहर भएका ६२ वर्षीय केशवप्रसाद सुवेदी पक्राउ परेका छन् । उनलाई जिल्ला प्रहरी कार्यालय भोजपुर र मोरङको प्रहरी चौकी रमाइलोबाट खटिएको संयुक्त टोलीले बिहीबार साँझ मोरङको कानेपोखरी गाउँपालिका–५ कालीकोशीबाट पक्राउ गरेको हो ।

भोजपुर प्रहरीका सूचना अधिकारी इन्स्पेक्टर महेन्द्र पराजुलीका अनुसार जिल्ला अदालत भोजपुरले सुवेदीलाई २०६९ साल जेठ १६ गते दोषी ठहर गरेको थियो । अदालतले ठगी मुद्दामा उनलाई १ वर्ष ३ महिना कैद र १० लाख १७ हजार रूपैयाँ जरिबाना गरेको जानकारी पराजुलीले दिए ।

उनका अनुसार अदालतबाट दोषी ठहर हुँदा सुवेदी भोजपुरको रामप्रसादराई गाउँपालिका–१ का बासिन्दा थिए । ‘मुद्दा चल्दा स्थायी वतन भोजपुर उल्लेख छ,’ उनले भने । तर, उनी पछि रामप्रसादराईबाट बसाइँ सरेर मोरङको कानेपोखरी झरेको पाइएको प्रहरीले जनाएको छ ।

मोरङको इलाका प्रहरी कार्यालय पथरीका प्रमुख, डीएसपी तुलसीराम अर्यालका अनुसार अदालतले तोकेको कैद र जरिबाना भुक्तान नगरिकन सुवेदी भोजपुरबाट परिवारसहित कानेपोखरी–५ मा बसाइँ सरेको पाइएको छ । ‘१३ वर्षअघि नै सम्मानित भोजपुर अदालतले दोषी ठहर गर्दै कैद र जरिबानाको फैसला गरेको पाइयो । तर, त्यसपछि सुवेदी भोजपुर छाडेर परिवारसहित मोरङ झरेको पाइयो,’ उनले भने, ‘विशेष सूचनाका आधारमा भोजपुर र रमाइलोबाट खटिएको संयुक्त टोलीले पक्राउ गरेको हो । अदालतको फैसला कार्यान्वयनमा प्रहरी सक्रिय रहेकाले बसाइँसराइ गरेर कैद र जरिबाना छल्न खोजे पनि त्यो सम्भव भएन ।’

डीएसपी अर्यालका अनुसार कैद र जरिबाना भुक्तान नगरिकन सुवेदी लामो समयदेखि फरार थिए । खोजी गर्दै जाँदा मोरङ आएर बसेको पाइयो । दोषी ठहर भएको १३ वर्षपछि पक्राउ परेका सुवेदीलाई प्रहरीले शुक्रबार जिल्ला अदालत मोरङमा बुझाएको छ । प्रहरीले पेस गरेपछि अदालतले सजाय भुक्तानका लागि जिल्ला कारागार मोरङ चलान गरेको छ ।

कोनेपोखरी गाउँपालिका–५ का वडाध्यक्ष चरण गुरुङले परिवारसहित सुवेदी भोजपुरबाट बसाइँ सरेर आएको बताए । ‘२०७२–०७३ सालतिर बसाइँ सरेर आएको पाइयो । त्योबाहेक अरु कुरा थाहा छैन,’ उनले भने ।

तपाइको प्रतिक्रिया
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
थाइल्यान्डमा एक भवनमा भीषण आगलागी, ११ जनाको मृत्यु
© 2024 Muluki Khabar. All Rights Reserved. Design & Develop By: Indesign Media Pvt. Ltd.