काठमाडौंमा ‘किमजोङ’सहित १७ जना गुन्डा पक्राउ

Share this
735shares
मुलुकी खबर
मुलुकी खबर
clock२०८२ चैत २१, शनिबार ०९:०२
विराटनगरबाट लागुऔषधसहित एक युवक पक्राउ

काठमाडौं । राजधानीमा बढ्दो गुण्डागर्दी र आपराधिक गतिविधि नियन्त्रण गर्न प्रहरीले आक्रामक कदम चालेको छ । काठमाडौं उपत्यका अपराध अनुसन्धान कार्यालयले शुक्रबार राति सञ्चालन गरेको विशेष ‘क्लिनअप’ अपरेसनका क्रममा १७ जनालाई नियन्त्रणमा लिएको जनाएको छ ।

प्रहरीले ठमेल, दरबारमार्ग र सामाखुसी जस्ता व्यस्त व्यापारिक क्षेत्रहरूलाई केन्द्रित गरी यो अपरेसन चलाएको थियो । पक्राउ परेका व्यक्तिहरूमध्ये अधिकांशको सम्बन्ध ‘काभ्रेली समूह’ सँग रहेको प्रहरीको प्रारम्भिक अनुसन्धानले देखाएको छ ।

पक्राउ पर्ने मुख्य व्यक्तिहरूमा सञ्जि लामा, अशोक गिरी र ‘किमजोङ’ उपनामले चिनिने सुरेश गुरुङ रहेका छन् । प्रहरीका अनुसार, सुरेश गुरुङ कुख्यात गुन्डा नाइके श्याम लामाको समूहमा आबद्ध रही असुली र अन्य आपराधिक गतिविधिमा संलग्न रहँदै आएका थिए ।

यस समूहका मुख्य नाइके श्याम लामा भने हाल फरार छन् । प्रहरीले उनको खोजी कार्यलाई तीव्र बनाएको जनाएको छ ।

उपत्यका अपराध अनुसन्धान कार्यालयका एसएसपी सन्तोष खड्काले राजधानीको सुरक्षा व्यवस्था चुस्त बनाउन र गुण्डागर्दी निर्मूल पार्न यो अपरेसन सुरु गरिएको जानकारी दिए । उनले भने, ‘यो लक्षित अपरेसन हो । समाजमा डर र त्रास फैलाउने जोकोहीलाई पनि कानुनी दायरामा ल्याइने छ । यो अभियान आगामी दिनमा पनि निरन्तर जारी रहने छ ।’

प्रहरीले अहिले पक्राउ परेकामाथि थप अनुसन्धान गरिरहेको छ भने यो समूहसँग जोडिएका अन्य शंकास्पद व्यक्तिहरू पनि पक्राउ पर्न सक्ने सम्भावना रहेको जनाएको छ ।

तपाइको प्रतिक्रिया
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
थाइल्यान्डमा एक भवनमा भीषण आगलागी, ११ जनाको मृत्यु
© 2024 Muluki Khabar. All Rights Reserved. Design & Develop By: Indesign Media Pvt. Ltd.