
काठमाडौं । चर्चित हास्य कलाकार सागर लम्साल ‘बले’ पक्राउ परेका छन् । उनलाई काठमाडौँको बुढानीलकण्ठ क्षेत्रबाट प्रहरीले नियन्त्रणमा लिएको हो ।
एक वर्षअघि आफूमाथि बलात्कार गरेको भन्दै अमेरिकामा बस्दै आएकी एक युवतीले शुक्रबार सामाजिक सञ्जालमार्फत गम्भीर आरोप लगाएपछि प्रहरीले लम्साललाई पक्राउ गरेको जनाएको छ ।
ती युवतीले सामाजिक सञ्जालमा भिडियो सार्वजनिक गर्दै आफूमाथि भएको घटनाबारे खुलासा गरेकी थिइन् ।
जिल्ला प्रहरी परिसर काठमाडौंका अनुसार, सामाजिक सञ्जालमा आएको सोही आरोप र उजुरीका आधारमा अनुसन्धानका लागि उनलाई नियन्त्रणमा लिइएको हो ।
प्रहरीले घटनाको विषयमा थप अनुसन्धान भइरहेको जनाएको छ। ‘बले’ उपनामले चिनिने लम्साल विशेष गरी टेलिशृंखला र म्युजिक भिडियोहरूका कारण चर्चामा रहने कलाकार हुन् ।

























