क्रिकेट : चीनसँग महिला टाेली पराजित

काठमाडौं । एसियाकप छनोटमा पुरुष टाेलीले चीनमाथि सानदार जित निकाल्दा महिला टाेली भने पराजित भएको छ ।  नेपाली महिला क्रिकेट टिम  खराब प्रदर्शनको सिकार हुँदा छनोट हुन पनि असफल भयो ।

वर्षाले प्रभावित खेलमा नेपाली महिला टोली चीनसँग ५ विकेटले पराजित हुँदा एसियाकप छनोट हुन असफल भएको हो ।

मलेसियामा जारी छनोटमा तेस्रो स्थानका लागि भएको खेलमा नेपालले टस हारेर पहिले ब्याटिङ गरेको थियो।  वर्षाले खेल प्रभावित हुँदा डिएल म्याथोडमा ७ ओभरमा खेल घटाइएको थियो ।

जहाँ नेपालले ५ विकेटको क्षतिमा ५० रन बनाएको थियो । जवाफमा फेरि वर्षा हुँदा चाइनालाइ जितका लागि ७ ओभरमा ४३ रनको लक्ष्य दिएको थियो । जुन लक्ष्य चीनले ५ विकेट गुमाएर अन्तिम बलमा पूरा गर्दै नेपाललाई स्तब्ध बनायो ।