तनावबीच इरानी विश्वकप टोलीलाई अमेरिका प्रवेश अनुमति

Share this
706shares
मुलुकी खबर
मुलुकी खबर
clock२०८३ जेठ २४, आइतबार ०६:३२

एजेन्सी । अमेरिका र इरानबीच सैन्य तथा राजनीतिक तनाव चर्किरहेका बेला इरानको राष्ट्रिय फुटबल टोलीले सन् २०२६ को फिफा विश्वकप खेल्न अमेरिका प्रवेशका लागि भिसा पाएको छ ।

लस एन्जलसमा हुने पहिलो खेलअघि अमेरिकी प्रशासनले इरानी खेलाडीहरूको भिसा स्वीकृत गर्दै प्रवेश अनुमति दिएको हो । यसअघि मेक्सिकोका लागि इरानी राजदूत अबोलफजल पसन्दिदेहले टोलीले अमेरिकी भिसा नपाएको बताएका थिए ।

तर, पछि ह्वाइट हाउसका एक अधिकारीले भिसा स्वीकृत भएको पुष्टि गरेका छन् । टर्कीका लागि अमेरिकी राजदूत टम बाराकले पनि एक्समार्फत अमेरिकी दूतावासको टोलीलाई धन्यवाद दिँदै प्रक्रिया पूरा भएको जानकारी दिएका छन् ।

बीबीसीका अनुसार इरानी टोलीका केही प्राविधिक तथा प्रशासनिक सदस्यले भने अझै भिसा पाएका छैनन् । इरान फुटबल महासंघले यसबारे औपचारिक प्रतिक्रिया दिएको छैन ।

भिसा ढिलाइ भएपछि इरानले आफ्नो प्रशिक्षण आधार अमेरिकाको एरिजोनाबाट मेक्सिकोको टिजुआनामा सारेको थियो । इरानभित्र पनि टोलीको अमेरिका बसाइ छोटो राख्नुपर्ने दबाब बढेको बताइएको छ ।

इरानले जुन १५ मा लस एन्जलसमा न्युजिल्याण्डसँग पहिलो खेल खेल्नेछ । त्यसपछि बेल्जियमसँग पनि त्यही सहरमा प्रतिस्पर्धा गर्नेछ भने समूह चरणको अन्तिम खेल सियाटलमा इजिप्टविरुद्ध हुनेछ । टोलीको नेतृत्व मुख्य प्रशिक्षक अमिर घालेनोईले गर्नेछन् ।

अलजजिराका अनुसार सन् १९३० मा विश्वकप सुरु भएयता आयोजक राष्ट्रले आफू युद्धरत रहेको देशलाई प्रतियोगितामा स्वागत गर्न लागेको यो पहिलो घटना हो । अमेरिकी विदेशमन्त्री मार्को रुबियोले भने इस्लामिक रिभोल्युसनरी गार्ड कोर्प्ससँग सम्बन्धित व्यक्तिहरूलाई विश्वकप प्रतिनिधिमण्डलमा सहभागी हुन नदिइने बताएका छन् ।

इरानी पक्षले विश्वकपमा सहभागितालाई ‘शान्तिको संकेत’का रूपमा प्रस्तुत गरेको छ ।

तपाइको प्रतिक्रिया
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
अस्पतालको आशामा जग्गा दिए, नबनेपछि मुख्यमन्त्री कार्यालय अगाडि आमरण अनशन
© 2024 Muluki Khabar. All Rights Reserved. Design & Develop By: Indesign Media Pvt. Ltd.