फिफा विश्वकप २०२६ः अन्तिम १६ मा आयोजक मेक्सिको 

काठमाडौं । फिफा विश्वकपअन्तर्गत इक्वेडरलाई पराजित गर्दै सहआयोजक मेक्सिको अन्तिम १६ मा पुगेको छ।मेक्सिको सिटी स्टेडियममा भर्खरै सम्पन्न राउन्ड अफ ३२ को खेलमा इक्वेडरलाई २–० गोलले हराउँदै मेक्सिको १६ मा पुगेको हो।

घरेलु टोलीलाई जित दिलाउन युलियन क्वीन्योनेस र राउल जिमिनेजले गोल गरे । पहिलो हाफको २१ औँ मिनेटमा जुलियन क्विनोनेसले र ३१ औँ मिनेटमा राउल जिमेनेजले गोल गर्दै टोलीलाई अग्रता दिलाएका थिए । दोस्रो हाफमा दुवै टोलीले गोल गर्न सकेनन् ।

मेक्सिकोले आफ्नो विगत १५ विश्वकप खेलहरूको पहिलो हाफमा गोल गर्न दिएको छैन, जुन इतिहासको दोस्रो सबैभन्दा लामो स्ट्रिक हो । १६ वर्ष अगाडी टोलीले अर्जेन्टिनाविरुद्ध पहिलो हाफमा गोल खाएको थियो। हारसँगै इक्वेडरको विश्वकप यात्रा सकिएको छ। अब मेक्सिकोले अन्तिम १६ मा इंग्ल्यान्ड र डीआर कंगोबीचको विजेतासँग खेल्नेछ।