२०८३ असार २२, सोमबार १४:५३
काठमाडौं । सडकमा हिँड्दै गरेकी युवतीलाई अश्लील हर्कत गरेको आरोपमा प्रहरीले एक जना कर्मचारीलाई पक्राउ गरेकाे छ । ललितपुरको इमाडोलमा बाटो हिँड्दै गरेकी युवतीलाई अश्लिल हर्कत गरेकाे आराेपमा बैतडी घर भई इमाडोल बस्दै आएका ५५ वर्षीय सुरेन्द्र भट्टलाई पक्राउ गरेकाे हाे ।
जिल्ला प्रहरी परिसर ललितपुरका एसपी तथा प्रवक्ता गौतम मिश्रका अनुसार उनी आज पक्राउ परेका हुन् । उनका अनुसार भट्ट सिंहदरवारस्थित रक्षा मन्त्रालयमा शिक्षा अधिकृतको रुपमा कार्यरत छन् ।
सरकारी कर्मचारी भट्टले एक्लै बाटो हिँड्दै गरेकी युवतीलाई गोप्य अंग देखाउँदै अश्लील हर्कत गरेका थिए । आइतबार साँझ साढे ६ बजेतिर पीडित युवतीले ती पुरुषको भिडियो सामाजिक सञ्जाल टिकटकमा अपलोड गरेकी थिइन् । त्यसपछि खोजी सुरु गरेको प्रहरीले उनलाई पक्राउ गरेको हो ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
