सभामुखको आग्रहपछि पनि संसदमा जारी रह्यो विपक्षीको विरोध

Share this
758shares
मुलुकी खबर
मुलुकी खबर
clock२०८३ असार २५, बिहीबार १३:१०

काठमाडौं । प्रतिनिधिसभाको बिहीबारको बैठकमा पनि विपक्षी दलहरूले प्रधानमन्त्री बालेन्द्र शाह (बालेन)को सीमासम्बन्धी अभिव्यक्तिलाई लिएर विरोध जारी राखेका छन् ।

बैठक सुरु भएको घोषणा लगत्तै विपक्षी सांसदहरू उठेपछि सभामुख डोलप्रसाद अaर्यालले लामो समयदेखि एउटै विषयमा ध्यानाकर्षण गराइएकाले समय र सभाको मर्यादालाई ध्यानमा राखी विपक्षी बेन्चबाट एक जनाले धारणा राखेर बैठक अघि बढाउनलाई सहयोग गर्न आग्रह गरे । सभामुखको प्रस्तावअनुसार नेपाली कांग्रेसकी सांसद हरिनादेवी कामीले विपक्षी दलहरूको तर्फबाट बोल्दै प्रधानमन्त्रीले संसद्को रोस्ट्रमबाटै आफ्नो अभिव्यक्तिका बारेमा तथ्य प्रस्तुत गर्नुपर्ने वा आवश्यक परे क्षमायाचना गर्नुपर्ने बताइन् ।

उनले संसदमा उठेका प्रश्नको जवाफ संसदमै दिनुपर्नेमा जोड दिँदै सुकुम्वासीको व्वस्थापन हुन नसकेको विषयमा पनि सरकारको ध्यानाकर्षण गराइन् । गत जेठ १७ गते प्रधानमन्त्री शाहले सांसदहरूको प्रश्नको जवाफ दिने क्रममा भारतले मात्र नभई नेपालले पनि विभिन्न स्थानमा भारतको भूमि अतिक्रमण गरेको आफूले प्रधानमन्त्री बनेपछि थाहा पाएको बताएका थिए ।

सो अभिव्यक्तिपछि नेपाली कांग्रेस, नेकपा एमाले, नेपाल कम्युनिस्ट पार्टी, श्रम संस्कृति पार्टी र राष्ट्रिय प्रजातन्त्र पार्टीलगायत विपक्षी दलहरूले निरन्तर विरोध गर्दै आएका छन् । उनीहरूको माग प्रधानमन्त्रीले आफ्नो भनाइको तथ्यगत आधार प्रस्तुत गर्नुपर्ने वा माफी माग्नुपर्ने रहेको छ ।

सांसद कामीले धारणा राखिसकेपछि सभामुखले बैठकको कार्यसूची अघि बढाउन खोजे पनि विपक्षी सांसदहरू फेरि उठे । उनीहरूले विपक्षी दलहरूको तर्फबाट एक जनालाई मात्र बोल्ने अवसर दिनु उपयुक्त नभएको भन्दै असन्तुष्टि जनाए ।

तपाइको प्रतिक्रिया
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
© 2024 Muluki Khabar. All Rights Reserved. Design & Develop By: Indesign Media Pvt. Ltd.