पूर्वप्रधानमन्त्री डा. बाबुराम भट्टराई अस्पताल भर्ना, स्वास्थ्य अवस्था सुधारोन्मुख

Share this
693shares
मुलुकी खबर
मुलुकी खबर
clock२०८३ साउन १३, बुधबार ११:५२
पूर्वप्रधानमन्त्री डा. बाबुराम भट्टराई अस्पताल भर्ना, स्वास्थ्य अवस्था सुधारोन्मुख

काठमाडौं । पूर्वप्रधानमन्त्री तथा नेपाल समाजवादी पार्टीका अध्यक्ष डा. बाबुराम भट्टराई स्वास्थ्यमा अचानक समस्या देखिएपछि अस्पताल भर्ना भएका छन् । मंगलबार साँझ अचानक तीव्र चक्कर लाग्ने र वान्ता हुने समस्या देखिएपछि उनलाई काठमाडौंस्थित ग्राण्डी अन्तर्राष्ट्रिय अस्पतालमा भर्ना गरिएको हो ।

डा.भट्टराईको सचिवालयले जारी गरेको प्रेस विज्ञप्ति अनुसार उनलाई भित्री कानमा हुने समस्या  ‘बेनाइन प्यारोक्सिज्मल पोजिसनल भर्टिगो’ को लक्षण देखिएको उपचारमा संलग्न चिकित्सकहरूले बताएका छन् । यो समस्याका कारण बिरामीलाई अचानक टाउको घुम्ने वा चक्कर लाग्ने हुन्छ ।

सचिवालयका अनुसार हाल डा. भट्टराईको स्वास्थ्य अवस्था सुधारोन्मुख रहेको छ । उनको स्वास्थ्य परीक्षणका अन्य सबै रिपोर्टहरू सामान्य रहेका छन् र अहिले चिकित्सकहरूको प्रत्यक्ष निगरानीमा उपचाररत रहेको, विज्ञप्तिमा उल्लेख छ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.