२०८३ श्रावण १६, शनिबार १७:२४
रौतहट । रौतहटको कटहरिया नगरपालिका–३ बरेडवाकी ७५ वर्षीया वृद्धाको हत्या भएको छ । आफ्नै हजुरआमाको हत्या गरेको आरोपमा प्रहरीले १८ वर्षीय नातिलाई पक्राउ गरेको छ ।
गत साउन १४ गते बिहीबार साँझ ६ बजेतिर ७५ वर्षीया तेतरी खातुन आफ्नै माइलो छोरा शेख निमुदिनको घरभित्र मृत अवस्थामा फेला परेकी थिइन् । खाटमा मृत भेटिएकी खातुनको मृत्यु स्वभाविक नदेखिएको र शंकास्पद पाइएपछि स्थानीयले प्रहरीलाई खबर गरेका थिए ।
घटनाको सूचना पाएलगत्तै इलाका प्रहरी कार्यालय गरुडाको टोलीले घटनास्थल पुगेको थियो । प्रहरीले प्रारम्भिक अनुसन्धानका क्रममा मृतकका १८ वर्षीय नाति साहिद शेखमाथि शंका गर्दै नियन्त्रणमा लिएको थियो ।
प्रहरीका अनुसार सोधपुछ र अनुसन्धानका क्रममा साहिदले आफ्नै हजुरआमाको हत्या गरेको स्वीकार गरेका छन् । प्रारम्भिक सोधपुछमा उनले हत्या गरेको तथ्य खुलेको प्रहरीले जनाएको छ ।
पक्राउ परेका साहिदमाथि कानुनी प्रक्रिया र अनुसन्धान अगाडि बढाइएको छ । वृद्धाको हत्याको कारण भने अझै खुल्न बाँकी रहेको र थप अनुसन्धान भइरहेको प्रहरीले जनाएको छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी