२०८३ श्रावण १८, सोमबार ०८:३८
काठमाडौं । मेडिकल व्यवसायी एवं ‘राष्ट्र, राष्ट्रियता, धर्म, संस्कृति र नागरिक बचाउ महाअभियान’ का संयोजक दुर्गा प्रसाईं पक्राउ परेका छन् । उनलाई आइतबार राति साढे १० बजे भक्तपुरस्थित उनकै निवासबाट प्रहरीले नियन्त्रणमा लिएको हो ।
प्रसाईंलाई पक्राउ गर्नका लागि काठमाडौं उपत्यका अपराध अनुसन्धान कार्यालय टेकु र जिल्ला प्रहरी परिसर भक्तपुरको संयुक्त टोली उनको निवास पुगेको थियो ।
व्यवसायी प्रसाईंले आइतबार दिउँसो मात्रै एक पत्रकार सम्मेलनको आयोजना गरी नेपालमा हिन्दु राज्य र राजसंस्था पुनर्स्थापनाका लागि निर्णायक आन्दोलनको घोषणा गरेका थिए । आन्दोलनको घोषणा गरेको केही घण्टाभित्रै प्रहरीले उनलाई पक्राउ गरेको हो ।
प्रसाईंले सार्वजनिक शान्ति सुरक्षा भङ्ग गरेको र उत्तेजक अभिव्यक्ति दिएको आरोपमा अनुसन्धानका लागि नियन्त्रणमा लिइएको प्रहरीले जनाएको छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी