२०८३ भाद्र ७, आइतबार १४:४३
काठमाडौं । नेकपा (एमाले) की नेतृ रामकुमारी झाँक्रीले पार्टी पुनर्गठनको विषयमा प्रश्न उठाउँदै नेतृत्व परिवर्तन मात्रैलाई पुनर्गठन भन्न नमिल्ने बताएकी छन् ।
झाँक्रीले सामाजिक सञ्जालमार्फत एक जना अध्यक्ष हटाएर पुरानै संरचना, कार्यशैली, अनुहार र शक्ति सम्बन्ध कायम राख्ने हो भने त्यसलाई पार्टी पुनर्गठन भन्न नमिल्ने बताएकी हुन् ।
उनले पार्टी पुनर्गठनको अर्थ र त्यसको वास्तविक स्वरूपबारे गम्भीर बहस आवश्यक रहेको उल्लेख गरेकी छन् । झाँक्रीले आन्दोलन हुनुभन्दा दुई दिनअघि भएको एमालेको विधान महाधिवेशनमा आन्तरिक लोकतन्त्रको प्रश्न किन नउठाइएको भन्दै समेत प्रश्न गरेकी छन् ।
उनले प्रश्न गरेकी छन्, ‘पार्टी पुनर्गठन भनेको आखिर के हो ? एक जना अध्यक्ष हटाउने र बाँकी पुरानै संरचना, पुरानै कार्यशैली, पुरानै अनुहार र पुरानै शक्ति सम्बन्ध कायम राख्ने हो भने त्यसलाई पुनर्गठन भन्न मिल्छ कि मिल्दैन ?’
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×