२०८३ भाद्र १८, बिहीबार १०:३५
काठमाडौं । नेपाली युवा किक बक्सर अविरल घिमिरे ‘हिमालयन चितुवा’ जापानमा हुने ‘हिट किक बक्सिङ–५९ अन्तर्राष्ट्रिय प्रतियोगिता’मा रिङमा उत्रने भएका छन् ।
जापानको करिया सहरमा भदौ २० गते हुने प्रतियोगितामा अन्तर्राष्ट्रिय किक बक्सिङ एसोसिएसन (इस्का) को मुख्य भिडन्तमा घिमिरेले फ्रान्सका बक्सर माथन स्वीनार्डसँग प्रतिस्पर्धा गर्नेछन् ।
घिमिरेले यसअघि हिट किक बक्सिङमा चारपटक टाइटल डिफेन्स गरिसकेका छन् । उनले चारपटक हिट किक बक्सिङ टाइटल म्याच, अन्तर्राष्ट्रिय किक बक्सिङ एसोसिएसन टाइटल तथा केवान क्रस १७५ र १८२ का दुई टाइटल म्याच जितिसकेका छन् ।
२८ भन्दा बढी अन्तर्राष्ट्रिय प्रतियोगितामा सहभागिता जनाइसकेका घिमिरेले २० वटा खेलमा जित हात पारेका छन् । किक बक्सिङमा निरन्तर उत्कृष्ट प्रदर्शन गर्दै आएका घिमिरेले अन्तर्राष्ट्रिय रिङमा नेपालको प्रतिनिधित्व गर्दै आएका छन् ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×