जेसीज तालिम सप्ताह: एकै दिन ‘स्टार्ट अप माइन्ड सेट’ र ‘एआई फर न्युज रुम’ तालिम

विराटनगर । जेसीज तालिम सप्ताहअन्तर्गत बुधबार एकै दिन दुई तालिम सम्पन्न भएका छन् । विराटनगर जेसीजको आयोजनामा भएका तालिममध्ये पहिलो ‘स्टार्ट अप माइन्ड सेट’ र दोस्रो ‘एआई फर न्युज रुम’ थियो ।
नेपाल पत्रकार महासंघ मोरङमा आयोजित ‘एआई फर न्युज रुम’ तालिममा इन्जिनियर अनुराग श्रेष्ठले प्रशिक्षण दिए । तालिममा विराटनगरका पत्रकारको उल्लेखनीय उपस्थिति रहेको थियो ।

त्यस्तै, जेसीज भवनमा आयोजित ‘स्टार्ट अप माइन्ड सेट’ तालिमका प्रमुख अतिथि विराट नर्सिङ होमका सीइओ डा. निकिता कार्की रहेका थिए । मनोज तिवारी र अभिषेक गौतमले तालिमको सहजीकरण गरेका थिए । तालिममा विराटनगरका विभिन्न कलेजको कक्षा ११ र १२ का विद्यार्थीको सहभागिता रहेको तालिम संयोजक पवन काफ्लेले जानकारी दिए।

Advertisement

विराटनगर जेसीजका अध्यक्ष कविराज दाहालको अध्यक्षतामा भएको दुवै कार्यक्रममा विराटनगर जेसीजका पूर्वअध्यक्ष, जेसीज बोर्ड र जुनियर जेसीज सदस्यहरूको उपस्थिति रहेको जेसीजकी जनसम्पर्क अधिकारी आकृति रानी फुयाँलले जानकारी दिइन् ।