२० अंकले घट्यो नेप्से

काठमाडौं । साताको पहिलो कारोबार दिन आज (सोमबार) सेयर बजार परिसूचक नेप्से २०.४८ अंकले घटेको छ । बजार बन्द हुँदा नेप्से परिसूचक २०.४८ अंकले घटेर २ हजार ५६६.७६ विन्दुमा झरेको हो ।

आज ३५९ कम्पनीका ९० लाख ३ हजार कित्ता सेयर किनबेच हुँदा ३ अर्ब २७ करोड रुपैयाँ बराबरको कारोबार भएको छ। दिनभर ४४ हजार ७७७ पटक कारोबार भएको थियो ।
कारोबार भएका कम्पनीमध्ये ३२ वटाको सेयर मूल्य बढेको छ भने २४२ कम्पनीको मूल्य घटेको छ । चार कम्पनीको मूल्य स्थिर रह्यो। आज कुनै पनि कम्पनीको सेयर मूल्यमा ५ प्रतिशतभन्दा बढी उतारचढाव देखिएन ।

कारोबार रकमका आधारमा घलेम्दी हाइड्रोपावर अग्रस्थानमा रह्यो । कम्पनीको २२ करोड रुपैयाँ बराबरको सेयर कारोबार हुँदा अन्य कुनै पनि कम्पनीको कारोबार रकम १० करोड रुपैयाँ पुगेन ।

उपसमूहतर्फ फाइनान्स, होटल, हाइड्रोपावर र लगानी समूहका सूचक १ प्रतिशतभन्दा बढीले घटेका छन् । ट्रेडिङ समूहको सूचक भने सामान्य बढेको छ भने अन्य सबै समूहका सूचक १ प्रतिशतभन्दा कमले घटेका छन् ।