२०८३ कात्तिक ६, शुक्रबार ०८:१४
सांकेतिक तस्बिर ।उदयपुर । उदयपुरको बेलका नगरपालिका–३ दुर्गा मन्दिरमा श्रीमानले खुकुरी प्रहार गर्दा एक महिला गम्भीर घाइते भएकी छन् ।
प्रहरीका अनुसार घरायसी विवादका क्रममा बुधबार साँझ करिब ७ बजे ४७ वर्षीय दुर्गाबहादुर राईले मादक पदार्थ सेवन गरी आफ्नी ४५ वर्षीया श्रीमती मनिता राईको घाँटीमा खुकुरी प्रहार गरेका थिए ।
घटनामा घाइते मनितालाई बेलका नगर अस्पतालमा सामान्य उपचारपछि थप उपचारका लागि राति धरानस्थित बीपी कोइराला स्वास्थ्य विज्ञान प्रतिष्ठान पठाइएको थियो । उनको घाँटीको बायाँ भागमा गहिरो चोट लागेको थियो ।
खुकुरी प्रहार गर्ने दुर्गाबहादुरलाई प्रहरीले खुकुरीसहित नियन्त्रणमा लिएर थप अनुसन्धान अघि बढाएको छ ।
प्रहरीका अनुसार घाइते मनिता उपचारपछि अस्पतालबाट डिस्चार्ज भएकी छन् ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×